अ‍ॅपशहर

​ डोंबिवलीने दिली प्रश्नांची जाण

अन्यायाविरुद्ध लढण्याचे संस्कार मुंबईच्या अ. भि. गोरेगावकर शाळेने केले, तर डोंबिवलीत शिक्षक म्हणून काम करताना आणि झोपडपट्ट्यांमधून बालसंस्कार केंद्र चालवताना विद्यार्थ्यांच्या व पालकांच्या प्रश्नांची जाण निर्माण झाली, कर्जबाजारी झालेल्या कष्टकरी महिलांचे प्रश्न सोडवण्याची प्रेरणा डोंबिवलीतील सामाजिक कार्यातून मिळाली, असे प्रतिपादन परिवर्तन संस्थेच्या अध्यक्ष ज्योती पाटकर यांनी केले.

Maharashtra Times 31 May 2017, 4:00 am
ज्योती पाटकर यांचे मत
महाराष्ट्र टाइम्स.कॉम socail awareness in dombivali
​ डोंबिवलीने दिली प्रश्नांची जाण


म. टा. वृत्तसेवा, डोंबिवली

अन्यायाविरुद्ध लढण्याचे संस्कार मुंबईच्या अ. भि. गोरेगावकर शाळेने केले, तर डोंबिवलीत शिक्षक म्हणून काम करताना आणि झोपडपट्ट्यांमधून बालसंस्कार केंद्र चालवताना विद्यार्थ्यांच्या व पालकांच्या प्रश्नांची जाण निर्माण झाली, कर्जबाजारी झालेल्या कष्टकरी महिलांचे प्रश्न सोडवण्याची प्रेरणा डोंबिवलीतील सामाजिक कार्यातून मिळाली, असे प्रतिपादन परिवर्तन संस्थेच्या अध्यक्ष ज्योती पाटकर यांनी केले.

टिळकनगर शिक्षण प्रसारक मंडळ, डोंबिवलीच्या वतीने देण्यात आलेला डोंबिवली सेवा पुरस्कार स्वीकारल्यानंतर सत्काराला उत्तर देताना पाटकर बोलत होत्या. कार्यक्रमाच्या अध्यक्षस्थानी संस्थाध्यक्ष आबासाहेब पटवारी होते. त्यांच्या हस्ते शाल, श्रीफळ, स्मृतीचिन्ह, मानपत्र व रोख ११ हजार रुपये देऊन त्यांचा सन्मान करण्यात आला.

सामाजिक कार्याची आवड असणाऱ्यांना बालहक्क संरक्षण कायद्याबाबत घरबसल्या अनेक कामे करण्याची संधी मिळू शकते, असेही त्या म्हणाल्या. गृहिणी म्हणून सर्व सांसारिक जबाबदाऱ्या पार पाडून तसेच मैत्री जपून सामाजिक समस्यांचा अभ्यास करत वनवासी तरुणांचे सक्षमीकरण, अत्याचार निर्मूलन, वृद्ध महिलांना आधारासाठी वसतिगृह स्थापणे असे कार्य करत राहिल्याने कोणताही तणाव जाणवला नाही, असेही त्यांनी सांगितले.

पाटकर यांनी आपल्या समृद्ध अनुभवाचा खजिना पुस्तकरूपाने प्रसिद्ध करावा. तो अनेकांना प्रेरणादायी ठरेल, असा विचार आबासाहेब पटवारी यांनी आपल्या अध्यक्षीय भाषणात मांडला. संस्थेच्या कार्याध्यक्ष सविता टांकसाळे यांनी कार्यक्रमाचे प्रास्ताविक केले, तर कार्यवाह डॉ. महेश ठाकूर यांनी पाटकर यांच्या कार्याचा खुमासदार शैलीत परिचय करून दिला.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज