म. टा. प्रतिनिधी, ठाणे
आईशी मोबाइल फोनवर बोलते म्हणून रागाच्या भरात पतीने पत्नीवर कैचीने हल्ला केल्याची घटना मुंब्रा येथील अमृतनगरमध्ये घडली आहे. हल्लेखोर पतीविरोधात मुंब्रा पोलिस ठाण्यात गुन्हा दाखल करण्यात आला आहे. या हल्ल्यात २२ वर्षांची ही महिला जखमी झाली आहे.
महिलेचा पती चालकाचे काम करत असून या दाम्पत्याला एक मुलगादेखील आहे. दोघेही पती-पत्नी सोमवारी दुपारी घरी होते. त्यावेळी पतीने आईशी फोनवर बोलू नको, अशी दमदाटी करत अन्यथा मोबाइल तोडेन, अशी धमकी दिली आणि तो तिच्या हातातील मोबाइल खेचू लागला. मात्र महिलेने मोबाइल देण्यास विरोध केला. याचा आरोपीला राग आल्याने कपाटातील कैची काढत पत्नीच्या डोक्यावर वार केले. त्यानंतर आरोपीने मोबाइल खाली जोरदार आपटल्याने मोबाइलचेही नुकसान झाले. घरातून पळून जात असताना आरोपीने पुन्हा आईशी मोबाइलवर बोललीस तर ठार मारेन, अशी धमकी दिली. महिलेला तात्काळ कळव्यातील छत्रपती शिवाजी महाराज रुग्णालयात उपचारासाठी दाखल करण्यात आले होते. उपचार घेतल्यानंतर महिलेने तक्रारीसाठी पोलिस ठाण्यात धाव घेतली. इतक्या छोट्याशा कारणावरून थेट पत्नीवरच पतीने हल्ला केल्याने खळबळ उडाली आहे. आरोपीचा मुंब्रा पोलिस शोध घेत आहेत. पीडित महिला आपल्या कुटुंबासह मुंब्रा येथील एमके कम्पाऊंडमध्ये राहत आहे. मात्र मोबाइलवरून घडणाऱ्या गुन्ह्यातही दिवसेंदिवस वाढ होत असल्याचे पोलिसांची डोकेदुखी वाढली आहे.
आईशी मोबाइल फोनवर बोलते म्हणून रागाच्या भरात पतीने पत्नीवर कैचीने हल्ला केल्याची घटना मुंब्रा येथील अमृतनगरमध्ये घडली आहे. हल्लेखोर पतीविरोधात मुंब्रा पोलिस ठाण्यात गुन्हा दाखल करण्यात आला आहे. या हल्ल्यात २२ वर्षांची ही महिला जखमी झाली आहे.
महिलेचा पती चालकाचे काम करत असून या दाम्पत्याला एक मुलगादेखील आहे. दोघेही पती-पत्नी सोमवारी दुपारी घरी होते. त्यावेळी पतीने आईशी फोनवर बोलू नको, अशी दमदाटी करत अन्यथा मोबाइल तोडेन, अशी धमकी दिली आणि तो तिच्या हातातील मोबाइल खेचू लागला. मात्र महिलेने मोबाइल देण्यास विरोध केला. याचा आरोपीला राग आल्याने कपाटातील कैची काढत पत्नीच्या डोक्यावर वार केले. त्यानंतर आरोपीने मोबाइल खाली जोरदार आपटल्याने मोबाइलचेही नुकसान झाले. घरातून पळून जात असताना आरोपीने पुन्हा आईशी मोबाइलवर बोललीस तर ठार मारेन, अशी धमकी दिली. महिलेला तात्काळ कळव्यातील छत्रपती शिवाजी महाराज रुग्णालयात उपचारासाठी दाखल करण्यात आले होते. उपचार घेतल्यानंतर महिलेने तक्रारीसाठी पोलिस ठाण्यात धाव घेतली. इतक्या छोट्याशा कारणावरून थेट पत्नीवरच पतीने हल्ला केल्याने खळबळ उडाली आहे. आरोपीचा मुंब्रा पोलिस शोध घेत आहेत. पीडित महिला आपल्या कुटुंबासह मुंब्रा येथील एमके कम्पाऊंडमध्ये राहत आहे. मात्र मोबाइलवरून घडणाऱ्या गुन्ह्यातही दिवसेंदिवस वाढ होत असल्याचे पोलिसांची डोकेदुखी वाढली आहे.