म. टा. वृत्तसेवा, पालघर
पालघर तालुक्याचे क्रीडासंकुल शासकीय क्रीडा स्पर्धांकरिता त्वरित खुले करण्यात यावे, अशी मागणी पालघर तालुका क्रीडा दक्षता समितीने पालघरचे जिल्हाधिकारी डॉ. कैलास शिंदे यांना निवेदनाद्वारे करण्यात आली आहे.
जिल्हाधिकारी यांना दिलेल्या निवेदनात शासनाच्या क्रीडा व युवक संचालनालयाच्या माध्यमातून दरवर्षी राज्यात शासकीय क्रीडा स्पर्धा पावसाळ्यात घेण्यात येतात. या स्पर्धांमुळे वेगवेगळ्या स्तरावर वेगवेगळ्या प्रकारचे गुण खेळाडू विद्यार्थ्यांना दहावी- बारावीच्या बोर्डाच्या परीक्षेत दिले जातात. तसेच या स्पर्धांचा कॉलेजच्या प्रवेशासाठीसुद्धा खेळाडू विद्यार्थ्यांना फायदा होतो. मात्र गेल्या काही दिवसांपासून पालघर जिल्ह्यात सुरू असलेल्या संततधार पावसाने बहुसंख्य शाळांची मैदाने या स्पर्धांचे आयोजन करण्यास सुयोग्य स्थितीत राहिलेली नाहीत.
राज्याचे क्रीडा धोरण २००१ अंतर्गत पालघर तालुका क्रीडासंकुल उभारण्यात आले आहे. शासनाचा हजारो रुपयांचा निधी खर्च करून उभारण्यात आलेल्या या क्रीडासंकुलाचा आजतागायत क्रीडा स्पर्धांचे आयोजन करणे अथवा विविध प्रकारच्या क्रीडा शिबिरांचे आयोजन करण्यासाठी वापर करण्याऐवजी या क्रीडासंकुलामध्ये निवडणुकीच्या ईव्हीएम मशिन ठेवण्यासाठी वापर होत आहे. गेल्या काही वर्षांपासून सुरू असलेले या संकुलाचे काम अजूनही पूर्ण झाले नसल्याचे समजते. याबाबतीत जिल्हाधिकारी यांनी गांभीर्याने लक्ष देऊन तालुका क्रीडासंकुल शासकीय क्रीडा स्पर्धांचे आयोजन करण्यासाठी उपलब्ध करून देण्यात यावे, अशी मागणी केली आहे.
यावेळी तालुका क्रीडा दक्षता समितीचे सदस्य तथा पालघर तालुका शासकीय क्रीडा स्पर्धेचे तालुका क्रीडासंकुल समितीचे सदस्य तथा माजी क्रीडा केंद्रप्रमुख पी.एम. पाटील, पालघर तालुका शारीरिक शिक्षण शिक्षक संघटनेचे अध्यक्ष प्रमोद पाटील, पालघर जिल्हा शारीरिक शिक्षण शिक्षक संघटनेचे अध्यक्ष अजय राऊत, पालघर जिल्हा मुख्याध्यापक संघटनेचे अध्यक्ष डॅरेल डिमेलो, पालघर तालुका शारीरिक शिक्षण शिक्षक संघटनेचे सचिव राम पाटील, उपकेंद्र प्रमुख आशीष पाटील, उपकेंद्र प्रमुख, सदस्य संतोष चुरी, प्रदीप ठाकूर आदी उपस्थित होते.
या निवेदनाची प्रत पालघर जिल्हा पालकमंत्री रवींद्र चव्हाण, खासदार राजेंद्र गावीत, शिक्षक आमदार बाळाराम पाटील, आमदार अॅड. निरंजन डावखरे, आमदार विलास तरे, आमदार अमित घोडा, पालघर जिल्हा क्रीडा अधिकारी संदीप महाडिक यांना देण्यात आली आहे.
पालघर तालुक्याचे क्रीडासंकुल शासकीय क्रीडा स्पर्धांकरिता त्वरित खुले करण्यात यावे, अशी मागणी पालघर तालुका क्रीडा दक्षता समितीने पालघरचे जिल्हाधिकारी डॉ. कैलास शिंदे यांना निवेदनाद्वारे करण्यात आली आहे.
जिल्हाधिकारी यांना दिलेल्या निवेदनात शासनाच्या क्रीडा व युवक संचालनालयाच्या माध्यमातून दरवर्षी राज्यात शासकीय क्रीडा स्पर्धा पावसाळ्यात घेण्यात येतात. या स्पर्धांमुळे वेगवेगळ्या स्तरावर वेगवेगळ्या प्रकारचे गुण खेळाडू विद्यार्थ्यांना दहावी- बारावीच्या बोर्डाच्या परीक्षेत दिले जातात. तसेच या स्पर्धांचा कॉलेजच्या प्रवेशासाठीसुद्धा खेळाडू विद्यार्थ्यांना फायदा होतो. मात्र गेल्या काही दिवसांपासून पालघर जिल्ह्यात सुरू असलेल्या संततधार पावसाने बहुसंख्य शाळांची मैदाने या स्पर्धांचे आयोजन करण्यास सुयोग्य स्थितीत राहिलेली नाहीत.
राज्याचे क्रीडा धोरण २००१ अंतर्गत पालघर तालुका क्रीडासंकुल उभारण्यात आले आहे. शासनाचा हजारो रुपयांचा निधी खर्च करून उभारण्यात आलेल्या या क्रीडासंकुलाचा आजतागायत क्रीडा स्पर्धांचे आयोजन करणे अथवा विविध प्रकारच्या क्रीडा शिबिरांचे आयोजन करण्यासाठी वापर करण्याऐवजी या क्रीडासंकुलामध्ये निवडणुकीच्या ईव्हीएम मशिन ठेवण्यासाठी वापर होत आहे. गेल्या काही वर्षांपासून सुरू असलेले या संकुलाचे काम अजूनही पूर्ण झाले नसल्याचे समजते. याबाबतीत जिल्हाधिकारी यांनी गांभीर्याने लक्ष देऊन तालुका क्रीडासंकुल शासकीय क्रीडा स्पर्धांचे आयोजन करण्यासाठी उपलब्ध करून देण्यात यावे, अशी मागणी केली आहे.
यावेळी तालुका क्रीडा दक्षता समितीचे सदस्य तथा पालघर तालुका शासकीय क्रीडा स्पर्धेचे तालुका क्रीडासंकुल समितीचे सदस्य तथा माजी क्रीडा केंद्रप्रमुख पी.एम. पाटील, पालघर तालुका शारीरिक शिक्षण शिक्षक संघटनेचे अध्यक्ष प्रमोद पाटील, पालघर जिल्हा शारीरिक शिक्षण शिक्षक संघटनेचे अध्यक्ष अजय राऊत, पालघर जिल्हा मुख्याध्यापक संघटनेचे अध्यक्ष डॅरेल डिमेलो, पालघर तालुका शारीरिक शिक्षण शिक्षक संघटनेचे सचिव राम पाटील, उपकेंद्र प्रमुख आशीष पाटील, उपकेंद्र प्रमुख, सदस्य संतोष चुरी, प्रदीप ठाकूर आदी उपस्थित होते.
या निवेदनाची प्रत पालघर जिल्हा पालकमंत्री रवींद्र चव्हाण, खासदार राजेंद्र गावीत, शिक्षक आमदार बाळाराम पाटील, आमदार अॅड. निरंजन डावखरे, आमदार विलास तरे, आमदार अमित घोडा, पालघर जिल्हा क्रीडा अधिकारी संदीप महाडिक यांना देण्यात आली आहे.