स्थायीचा अर्थसंकल्प महासभेत सादर
म. टा. वृत्तसेवा, कल्याण
आपत्कालीन परिस्थितीत अग्निशमन दलावर अपुऱ्या कर्मचाऱ्यांमुळे ताण पडत असल्याने या जवानांच्या मदतीला बारा महिने २४ तास कार्यरत असणारे शहर आपत्कालीन पथक तयार करण्याचा पालिका प्रशासनाचा मानस आहे. असा प्रयोग राबवणारी कल्याण-डोंबिवली महापालिका पहिली असल्याचा दावा प्रशासनाकडून करण्यात आला आहे. अग्निशमनचे एनडीआरएफच्या धर्तीवर अत्याधुनिक प्रशिक्षण, आप्तकालीन व्यवस्थापन वाहन खरेदी, साधनसामुग्रीसाठी स्थायी समितीने सादर केलेल्या यंदाच्या आर्थिक अंदाजपत्रकात ३५ लाखांची तरतूद करण्यात आली आहे. तसेच महापालिका शाळा, परिवहन अद्ययावत करण्यासाठीही भरघोस तरतूद करण्यात आली आहे.
कल्याण-डोंबिवली महानगरपालिका महापौर राजेंद्र देवळेकर आणि आयुक्त ई. रवींद्रन यांच्या उपस्थितीत शनिवारी स्थायी समितीकडून तयार करण्यात आलेले २०१७-१८ या आर्थिक वर्षासाठीचे १,९९४ कोटी १२ लाख ५७ हजार रुपये जमा, तर १,९९४ व कोटी १ लाख ६ हजार रुपये खर्चाचे १२ लाख ५२ हजार शिलकीचे अर्थसंकल्पीय अंदाजपत्रक सभापती रमेश म्हात्रे यांनी सादर केले.
महापालिकेचे उत्पन्नाचे स्रोत मर्यादित आहेत. वर्षभरापूर्वी न्यायालयाने केलेली बांधकामबंदी, त्यानंतर नोटाबंदी त्यामुळे निर्माण झालेली आर्थिक मंदी याचा परिणाम पालिकेच्या उत्पन्नावर झाल्याचे म्हात्रे म्हणाले. यंदाच्या अंदाजपत्रकात सार्वजनिक स्वच्छता आणि घनकचरा व्यवस्थापनाला महत्त्व देण्यात आले आहे. कचराकुंडीमुक्त आणि कचरामुक्त स्वच्छ सुंदर कल्याण-डोंबिवली शहर करण्याचा मानस त्यांनी व्यक्त केला. मालमत्ता करवसुलीसाठी विशेष पथक तयार केल्यास थकबाकी वसुलीसाठी विशेष पथक तयार करण्याचा सूचना या अंदाजपत्रकाच्या माध्यमातून करण्यात आल्या. विशेष म्हणजे नगरसेवक निधीला मात्र कात्री लावण्यात आली आहे. हा २५ लाखांहून १५ लाखांवर करण्यात आला आहे. तसेच महापालिका शाळांमधील विद्यार्थ्यांना टॅब वाटप करण्यासाठी १० लाखांची तरतूद, ६ शाळांमध्ये व्हर्च्युअल क्लासरूम तयार करण्यासाठी २५ लाखांची तरतूद करण्यात आली आहे. ४ प्रभागक्षेत्रांत २४ तास पाणीपुरवठ्यासाठी प्रयत्न करण्यात येणार आहेत.
२७ गावांसाठी तरतूद
कल्याण डोंबिवली महापालिकेत नव्याने समाविष्ट झालेल्या २७ गावांतील महत्त्वाच्या विकासकामांसाठी अंदाजपत्रकात तब्बल ४० कोटींची तरतूद केली आहे. या गावांत पाणीपुरवठा, रस्ते, घनकचरा व्यवस्थापन, भव्य उद्यान-पार्क आदी विकासकामे प्रस्तावित केली आहेत.
अशी पडणार तिजोरीत भर
* मालमत्ताकरातून ५०३ कोटी २६ लाख उत्पन्न अपेक्षित
* स्थानिक संस्था करातून २७७ कोटी ७० लाख
* पाणीपट्टीतून ८३ कोटी ३५ लाख
* विशेष अधिनियमाखालील वसुली २०० कोटी
* महापालिका मालमत्तेतून ६५ कोटी
* बाजार शुल्काद्वारे ७ कोटी २८ लाख
* नाट्यगृह भाडे २ कोटी
* साफसफाई शुल्क ५३ कोटी ३० लाख
* शासन अनुदान ६८३ कोटी ५६ लाख
असा साधणार सर्वांगीण विकास
* मांडा, वडवली आणि ठाकुर्ली येथे उड्डाणपुलासाठी २९ कोटींची तरतूद
* कल्याण पूर्व येथे अध्ययावत रुग्णालय बांधणार
* कल्याण पूर्व-कल्याण पश्चिम जोडण्यासाठी जगदीश दुग्धालय ते पाम रिसॉर्टनजीक पूल बांधणार
* अग्निशमन वाहने, अन्य साधनसामग्री खरेदीसाठी ४ कोटी ३० लाख
* आधारवाडी आणि टिटवाळा येथे अग्निशमन केंद्र उभारणीसाठी १ कोटी
* डोंबिवली येथे वेदपाठ शाळा सुरू करण्यासाठी ५० लाख
* डोंबिवली स्पोर्ट्स क्लबचा पुनर्विकास होणार
* बीएसयूपी अंतर्गत गरजूंसाठी घरे
* कल्याण येथे सिटी पार्क उभारणीसाठी १० कोटी
* डोंबिवलीत क्रांतिज्योती सावित्रीबाई फुले आणि भाषाप्रभू पु. भा. भावे यांचे स्मारक उभारणार
* डोंबिवली पूर्व येथे एलिव्हेटेड रिक्षा स्टँडसाठी एक कोटी
* आरोग्य सेवेच्या बळकटीसाठी दोन कार्डिअॅक रुग्णवाहिका
* डम्पिंग ग्राउंड सुधारणेसाठी ६९ कोटी ७३ लाख
* कल्याण, डोंबिवली, टिटवाळा रेल्वे स्थानक परिसरात प्रसाधनगृह उभारणार
* कल्याण आणि डोंबिवलीतील मासळी मार्केटचे नूतनीकरण
* नवीन प्रशासकीय भवनसाठी २ कोटी २४ लाख
* कल्याण कृषी उत्पन्न बाजार समितीतील कचऱ्याचे खातात रूपांतर करण्यासाठी २४ लाख रुपये खर्चून यंत्रणा बसवणार
* उंबर्डे येथे कचऱ्यापासून ऊर्जानिर्मिती प्रकल्प राबवणार
* परिवहन सेवा सुधारणेसाठी दोन कोटींची वाढीव तरतूद
* चिमण्यांची संख्या वाढावी म्हणून चिमणी उद्यान विकसित करणार
म. टा. वृत्तसेवा, कल्याण
आपत्कालीन परिस्थितीत अग्निशमन दलावर अपुऱ्या कर्मचाऱ्यांमुळे ताण पडत असल्याने या जवानांच्या मदतीला बारा महिने २४ तास कार्यरत असणारे शहर आपत्कालीन पथक तयार करण्याचा पालिका प्रशासनाचा मानस आहे. असा प्रयोग राबवणारी कल्याण-डोंबिवली महापालिका पहिली असल्याचा दावा प्रशासनाकडून करण्यात आला आहे. अग्निशमनचे एनडीआरएफच्या धर्तीवर अत्याधुनिक प्रशिक्षण, आप्तकालीन व्यवस्थापन वाहन खरेदी, साधनसामुग्रीसाठी स्थायी समितीने सादर केलेल्या यंदाच्या आर्थिक अंदाजपत्रकात ३५ लाखांची तरतूद करण्यात आली आहे. तसेच महापालिका शाळा, परिवहन अद्ययावत करण्यासाठीही भरघोस तरतूद करण्यात आली आहे.
कल्याण-डोंबिवली महानगरपालिका महापौर राजेंद्र देवळेकर आणि आयुक्त ई. रवींद्रन यांच्या उपस्थितीत शनिवारी स्थायी समितीकडून तयार करण्यात आलेले २०१७-१८ या आर्थिक वर्षासाठीचे १,९९४ कोटी १२ लाख ५७ हजार रुपये जमा, तर १,९९४ व कोटी १ लाख ६ हजार रुपये खर्चाचे १२ लाख ५२ हजार शिलकीचे अर्थसंकल्पीय अंदाजपत्रक सभापती रमेश म्हात्रे यांनी सादर केले.
महापालिकेचे उत्पन्नाचे स्रोत मर्यादित आहेत. वर्षभरापूर्वी न्यायालयाने केलेली बांधकामबंदी, त्यानंतर नोटाबंदी त्यामुळे निर्माण झालेली आर्थिक मंदी याचा परिणाम पालिकेच्या उत्पन्नावर झाल्याचे म्हात्रे म्हणाले. यंदाच्या अंदाजपत्रकात सार्वजनिक स्वच्छता आणि घनकचरा व्यवस्थापनाला महत्त्व देण्यात आले आहे. कचराकुंडीमुक्त आणि कचरामुक्त स्वच्छ सुंदर कल्याण-डोंबिवली शहर करण्याचा मानस त्यांनी व्यक्त केला. मालमत्ता करवसुलीसाठी विशेष पथक तयार केल्यास थकबाकी वसुलीसाठी विशेष पथक तयार करण्याचा सूचना या अंदाजपत्रकाच्या माध्यमातून करण्यात आल्या. विशेष म्हणजे नगरसेवक निधीला मात्र कात्री लावण्यात आली आहे. हा २५ लाखांहून १५ लाखांवर करण्यात आला आहे. तसेच महापालिका शाळांमधील विद्यार्थ्यांना टॅब वाटप करण्यासाठी १० लाखांची तरतूद, ६ शाळांमध्ये व्हर्च्युअल क्लासरूम तयार करण्यासाठी २५ लाखांची तरतूद करण्यात आली आहे. ४ प्रभागक्षेत्रांत २४ तास पाणीपुरवठ्यासाठी प्रयत्न करण्यात येणार आहेत.
२७ गावांसाठी तरतूद
कल्याण डोंबिवली महापालिकेत नव्याने समाविष्ट झालेल्या २७ गावांतील महत्त्वाच्या विकासकामांसाठी अंदाजपत्रकात तब्बल ४० कोटींची तरतूद केली आहे. या गावांत पाणीपुरवठा, रस्ते, घनकचरा व्यवस्थापन, भव्य उद्यान-पार्क आदी विकासकामे प्रस्तावित केली आहेत.
अशी पडणार तिजोरीत भर
* मालमत्ताकरातून ५०३ कोटी २६ लाख उत्पन्न अपेक्षित
* स्थानिक संस्था करातून २७७ कोटी ७० लाख
* पाणीपट्टीतून ८३ कोटी ३५ लाख
* विशेष अधिनियमाखालील वसुली २०० कोटी
* महापालिका मालमत्तेतून ६५ कोटी
* बाजार शुल्काद्वारे ७ कोटी २८ लाख
* नाट्यगृह भाडे २ कोटी
* साफसफाई शुल्क ५३ कोटी ३० लाख
* शासन अनुदान ६८३ कोटी ५६ लाख
असा साधणार सर्वांगीण विकास
* मांडा, वडवली आणि ठाकुर्ली येथे उड्डाणपुलासाठी २९ कोटींची तरतूद
* कल्याण पूर्व येथे अध्ययावत रुग्णालय बांधणार
* कल्याण पूर्व-कल्याण पश्चिम जोडण्यासाठी जगदीश दुग्धालय ते पाम रिसॉर्टनजीक पूल बांधणार
* अग्निशमन वाहने, अन्य साधनसामग्री खरेदीसाठी ४ कोटी ३० लाख
* आधारवाडी आणि टिटवाळा येथे अग्निशमन केंद्र उभारणीसाठी १ कोटी
* डोंबिवली येथे वेदपाठ शाळा सुरू करण्यासाठी ५० लाख
* डोंबिवली स्पोर्ट्स क्लबचा पुनर्विकास होणार
* बीएसयूपी अंतर्गत गरजूंसाठी घरे
* कल्याण येथे सिटी पार्क उभारणीसाठी १० कोटी
* डोंबिवलीत क्रांतिज्योती सावित्रीबाई फुले आणि भाषाप्रभू पु. भा. भावे यांचे स्मारक उभारणार
* डोंबिवली पूर्व येथे एलिव्हेटेड रिक्षा स्टँडसाठी एक कोटी
* आरोग्य सेवेच्या बळकटीसाठी दोन कार्डिअॅक रुग्णवाहिका
* डम्पिंग ग्राउंड सुधारणेसाठी ६९ कोटी ७३ लाख
* कल्याण, डोंबिवली, टिटवाळा रेल्वे स्थानक परिसरात प्रसाधनगृह उभारणार
* कल्याण आणि डोंबिवलीतील मासळी मार्केटचे नूतनीकरण
* नवीन प्रशासकीय भवनसाठी २ कोटी २४ लाख
* कल्याण कृषी उत्पन्न बाजार समितीतील कचऱ्याचे खातात रूपांतर करण्यासाठी २४ लाख रुपये खर्चून यंत्रणा बसवणार
* उंबर्डे येथे कचऱ्यापासून ऊर्जानिर्मिती प्रकल्प राबवणार
* परिवहन सेवा सुधारणेसाठी दोन कोटींची वाढीव तरतूद
* चिमण्यांची संख्या वाढावी म्हणून चिमणी उद्यान विकसित करणार