ठाणे
पावसात रेल्वे स्थानकांवर होणाऱ्या गर्दीचं नियोजन करण्यात मध्य रेल्वे प्रशासन पूर्णपणे अपयशी ठरताना दिसत आहे. ठाणे रेल्वे स्थानकावर सोमवारी सकाळी प्रवाशांना जीवघेण्या गर्दीला सामोरं जावं लागलं. प्लॅटफॉर्मवरील तुडुंब गर्दीमुळे महिला डब्याजवळ चेंगराचेंगरी झाली. घटनेत एक महिला प्रवासी जखमी झाली आहे.
सुदैवाने कोणतीही जीवीतहानी झाली नसली तरी या गर्दीच्या व्हिडिओने 'एल्फिस्टन रोड स्थानकातील चेंगराचेंगरी'ची आठवण करून दिली. आठवड्याच्या सुरुवातीलाच जोरदार पावसानं मुंबई आणि ठाणे परिसराला झोडपलं आहे. यामुळे रस्ते आणि रेल्वे वाहतुकीवर परिणाम झाला. नेहमीप्रमाणे मध्य रेल्वेचंही वेळापत्रक कोलमडलं. मध्य रेल्वेच्या अनेक गाड्या रद्द करण्यात आल्या. त्यामुळे स्थानकांवर प्रवाशांची प्रचंड गर्दी झाली होती. यात ठाणे रेल्वे स्थानकावर लोकल पकडण्यासाठी झालेल्या गर्दीचा एक व्हिडिओ व्हायरल झाला आहे.
ठाण्याच्या प्लॅटफॉर्म क्रमांक ४ वर लोकल पकडण्यासाठी महिला डब्या बाहेर झालेल्या गर्दीचं रुपांतर चेंगराचेंगरीत झालं होतं. सकाळी साडेअकराच्या सुमारास हा प्रकार घडला. फ्लॅटफॉर्मवर महिला पोलीस उपस्थित असल्याने अनर्थ टळला. मात्र, रेल्वे प्रशासनाकडून प्रवाशांच्या जीवाशी खेळ सुरु असल्याचं या घटनेने पुन्हा एकदा अधोरेखीत झालं आहे.
पावसात रेल्वे स्थानकांवर होणाऱ्या गर्दीचं नियोजन करण्यात मध्य रेल्वे प्रशासन पूर्णपणे अपयशी ठरताना दिसत आहे. ठाणे रेल्वे स्थानकावर सोमवारी सकाळी प्रवाशांना जीवघेण्या गर्दीला सामोरं जावं लागलं. प्लॅटफॉर्मवरील तुडुंब गर्दीमुळे महिला डब्याजवळ चेंगराचेंगरी झाली. घटनेत एक महिला प्रवासी जखमी झाली आहे.
सुदैवाने कोणतीही जीवीतहानी झाली नसली तरी या गर्दीच्या व्हिडिओने 'एल्फिस्टन रोड स्थानकातील चेंगराचेंगरी'ची आठवण करून दिली. आठवड्याच्या सुरुवातीलाच जोरदार पावसानं मुंबई आणि ठाणे परिसराला झोडपलं आहे. यामुळे रस्ते आणि रेल्वे वाहतुकीवर परिणाम झाला. नेहमीप्रमाणे मध्य रेल्वेचंही वेळापत्रक कोलमडलं. मध्य रेल्वेच्या अनेक गाड्या रद्द करण्यात आल्या. त्यामुळे स्थानकांवर प्रवाशांची प्रचंड गर्दी झाली होती. यात ठाणे रेल्वे स्थानकावर लोकल पकडण्यासाठी झालेल्या गर्दीचा एक व्हिडिओ व्हायरल झाला आहे.
ठाण्याच्या प्लॅटफॉर्म क्रमांक ४ वर लोकल पकडण्यासाठी महिला डब्या बाहेर झालेल्या गर्दीचं रुपांतर चेंगराचेंगरीत झालं होतं. सकाळी साडेअकराच्या सुमारास हा प्रकार घडला. फ्लॅटफॉर्मवर महिला पोलीस उपस्थित असल्याने अनर्थ टळला. मात्र, रेल्वे प्रशासनाकडून प्रवाशांच्या जीवाशी खेळ सुरु असल्याचं या घटनेने पुन्हा एकदा अधोरेखीत झालं आहे.