म. टा. वृत्तसेवा, पालघर
शिक्षणाच्या खासगीकरणामुळे इंग्रजी शाळांचे प्रमाण वाढले असून मराठी शाळांचे प्रमाण कमी होत आहे. मराठी शाळांच्या पटसंख्येत झपाट्याने घट होत असल्याने १ मे महाराष्ट्र दिनानिमित्त विद्यार्थी भारतीतर्फे 'मराठीपाठी मराठीसाठी' या कार्यक्रमाच्या माध्यमातून विविध स्पर्धांचे आयोजन करण्यात आले आहे. याविषयाला अनुसरून विरार विभागात गोवारीनगर इथे सांस्कृतिक तथा वैचारिक कार्यक्रमाचे आयोजन करण्यात आले आहे. या कार्यक्रमात सामाजिक विषयांशी संबंधित नृत्य, गाणी, भाषणाद्वारे समाजप्रबोधनाचा प्रयत्न करण्यात येणार आहे. यावेळी पथनाट्य, चित्रकला, निबंध, नृत्य, कविता वाचन, एकपात्री अभिनय, फोटोग्राफीसारख्या विविध स्पर्धांचे आयोजन करण्यात आले आहे. अधिक माहितीसाठी संपर्क हर्षल झगडे ९०६७४२५४११, प्रणय पाटील ८८०५५३७३१९