म. टा. वृत्तसेवा, ठाणे
शहरातील चिमण्यांचा चिवचिवाट कमी होत असल्याने शहरातील काही शाळांच्या बालगोपाळांनी एकत्र येत विविध अभिनव उपायांची सुरुवात केली आहे. जागतिक चिमणी दिनाच्या निमित्ताने शिक्षकांच्या मार्गदर्शनाखाली छोट्या विद्यार्थ्यांनी पर्यावरण आणि त्यातील चिऊताईच्या रक्षणासाठी पाऊल उचलले आहे.
पर्यावरणाची होणारी हानी, वाढते प्रदूषण आणि विशेषतः घटणाऱ्या चिमण्यांचे प्रमाण अशा अनेक विषयांवर विद्यार्थी पुस्तकी ज्ञान मिळवितात. वर्षभर पुस्तकातून अभ्यासले जाणारे विषय आणि परिसरात खरोखर कमी प्रमाणात दिसणाऱ्या चिमण्या या परिस्थितीवर केवळ विचार करण्यापेक्षा प्रत्यक्ष कृती करण्याची कल्पना काही शाळांमध्ये राबविण्यात आली आहे. ठाण्यातील संकल्प इंग्लिश स्कूलने यंदा मोठ्या प्रमाणात चिमणी दिन साजरा केला. यावेळी शाळेतील सरक्व विद्यार्थ्यांनी या प्रकल्पात सहभाग घेतला होता. त्यांनी टाकाऊतून टिकाऊ या संकल्पनेतून चिमण्यांसाठी विविध रंगी घरटी तयार केली. शाळेतील वाया गेलेले पुठ्ठे, कागद, खोकी यांचा वापर करत ही घरटी विद्यार्थ्यांनी तयार केली. यामध्ये प्रत्येक विद्यार्थ्यांच्या गटाने विविध कल्पना वापरत ही विविधरंगी आकर्षक आणि उपयोगी घरटी तयार केली. गेल्या दहा दिवसांपासून शाळेत ही घरटी बनविण्याचे काम सुरू होते.
शिक्षकांच्या मार्गदर्शनाखाली सुरू असणाऱ्या या उपक्रमात तयार झालेली घरटी जागतिक चिमणी दिनाच्या निमित्ताने शाळेतील विविध ठिकाणी तसेच प्रत्येक विद्यार्थी आणि शिक्षकांच्या घरी सजविण्यात आली. त्यामध्ये चिमण्यांसाठी सुरक्षित निवारा आणि पाणी यांची व्यवस्था करण्यात आली असून अशा प्रकारची घरटी शहरातही विविध ठिकाणी लावण्यासाठी विद्यार्थी प्रयत्नशील आहे.
उपक्रमांची साथ
वाढत्या उन्हाळ्यात अशा प्रकाराचा निवारा आणि पाणी यांची व्यवस्था झाली तर चिमण्यांचे घटते प्रमाण निश्चित वाढेल, असा विश्वास विद्यार्थी व्यक्त करतात. या दिवसाच्या निमित्ताने शाळेतर्फे रॅली काढण्यात आली होती. त्यामध्ये पर्यावरण, चिमण्या या विषयांवर विद्यार्थ्यांनी विविध विविध जनप्रबोधन करणारे फलक तयार केले होते. त्याचसह विद्यार्थ्यांनी चिमण्यांचे संवर्धन याविषयी लिहिलेल्या लेखांचे संग्रहित पुस्तक प्रकाशित करण्यात आले. यामध्ये शिक्षक आणि विद्यार्थ्यांनी यांनी चिमण्याची घटती संख्या, प्रदूषण या विषयांवर विविध लेख लिहिले आहेत. यासह शहरातील अनेक पर्यावरणीय संस्था, पर्यावरण प्रेमी व्यक्ती, गट यांनीही चिमणी दिनानिमित्त विविध उपक्रम केले आहेत. शहरातील काही कट्ट्यांवरही हा दिन साजरा झाला. ज्येष्ठ नागरिक संघातर्फेही पक्षासाठी पिण्याच्या पाण्याची व्यवस्था करणारे काही उपक्रम साजरे करण्यात आले.
शहरातील चिमण्यांचा चिवचिवाट कमी होत असल्याने शहरातील काही शाळांच्या बालगोपाळांनी एकत्र येत विविध अभिनव उपायांची सुरुवात केली आहे. जागतिक चिमणी दिनाच्या निमित्ताने शिक्षकांच्या मार्गदर्शनाखाली छोट्या विद्यार्थ्यांनी पर्यावरण आणि त्यातील चिऊताईच्या रक्षणासाठी पाऊल उचलले आहे.
पर्यावरणाची होणारी हानी, वाढते प्रदूषण आणि विशेषतः घटणाऱ्या चिमण्यांचे प्रमाण अशा अनेक विषयांवर विद्यार्थी पुस्तकी ज्ञान मिळवितात. वर्षभर पुस्तकातून अभ्यासले जाणारे विषय आणि परिसरात खरोखर कमी प्रमाणात दिसणाऱ्या चिमण्या या परिस्थितीवर केवळ विचार करण्यापेक्षा प्रत्यक्ष कृती करण्याची कल्पना काही शाळांमध्ये राबविण्यात आली आहे. ठाण्यातील संकल्प इंग्लिश स्कूलने यंदा मोठ्या प्रमाणात चिमणी दिन साजरा केला. यावेळी शाळेतील सरक्व विद्यार्थ्यांनी या प्रकल्पात सहभाग घेतला होता. त्यांनी टाकाऊतून टिकाऊ या संकल्पनेतून चिमण्यांसाठी विविध रंगी घरटी तयार केली. शाळेतील वाया गेलेले पुठ्ठे, कागद, खोकी यांचा वापर करत ही घरटी विद्यार्थ्यांनी तयार केली. यामध्ये प्रत्येक विद्यार्थ्यांच्या गटाने विविध कल्पना वापरत ही विविधरंगी आकर्षक आणि उपयोगी घरटी तयार केली. गेल्या दहा दिवसांपासून शाळेत ही घरटी बनविण्याचे काम सुरू होते.
शिक्षकांच्या मार्गदर्शनाखाली सुरू असणाऱ्या या उपक्रमात तयार झालेली घरटी जागतिक चिमणी दिनाच्या निमित्ताने शाळेतील विविध ठिकाणी तसेच प्रत्येक विद्यार्थी आणि शिक्षकांच्या घरी सजविण्यात आली. त्यामध्ये चिमण्यांसाठी सुरक्षित निवारा आणि पाणी यांची व्यवस्था करण्यात आली असून अशा प्रकारची घरटी शहरातही विविध ठिकाणी लावण्यासाठी विद्यार्थी प्रयत्नशील आहे.
उपक्रमांची साथ
वाढत्या उन्हाळ्यात अशा प्रकाराचा निवारा आणि पाणी यांची व्यवस्था झाली तर चिमण्यांचे घटते प्रमाण निश्चित वाढेल, असा विश्वास विद्यार्थी व्यक्त करतात. या दिवसाच्या निमित्ताने शाळेतर्फे रॅली काढण्यात आली होती. त्यामध्ये पर्यावरण, चिमण्या या विषयांवर विद्यार्थ्यांनी विविध विविध जनप्रबोधन करणारे फलक तयार केले होते. त्याचसह विद्यार्थ्यांनी चिमण्यांचे संवर्धन याविषयी लिहिलेल्या लेखांचे संग्रहित पुस्तक प्रकाशित करण्यात आले. यामध्ये शिक्षक आणि विद्यार्थ्यांनी यांनी चिमण्याची घटती संख्या, प्रदूषण या विषयांवर विविध लेख लिहिले आहेत. यासह शहरातील अनेक पर्यावरणीय संस्था, पर्यावरण प्रेमी व्यक्ती, गट यांनीही चिमणी दिनानिमित्त विविध उपक्रम केले आहेत. शहरातील काही कट्ट्यांवरही हा दिन साजरा झाला. ज्येष्ठ नागरिक संघातर्फेही पक्षासाठी पिण्याच्या पाण्याची व्यवस्था करणारे काही उपक्रम साजरे करण्यात आले.