कडक उन्हाळ्यात वोटर स्लिप घरोघरी पोहोचवण्याचे काम
म. टा. प्रतिनिधी, ठाणे
भिवंडी महापालिकेच्या निवडणुकीत ज्या शिक्षक व मुख्याध्यापकांना निवडणूक कामकाजाची जबाबदारी सोपवण्यात आली आहे, त्यांची सुटी २० मे पासूनच रद्द करण्यात आली आहे. वोटर स्लिप मतदानाच्या दोन दिवस आधी उपलब्ध करून देण्याचे बंधनदेखील त्यांच्यावर लादण्यात आले आहे. त्यामुळे मे महिन्याच्या सुटीचा आनंद उपभोगण्याची प्रतीक्षा करणाऱ्या शिक्षकांना रणरणत्या उन्हात पायपीट करत वोटर स्लिप वाटण्याची वेळ आली आहे.
२४ मे रोजी भिवंडी पालिकेच्या निवडणुकीत मतदान होत आहे. आधीच बोगस मतदारांच्या तक्रारी तसेच प्रचंड उकाडा व सुटीमुळे बाहेरगावी गेलेले असंख्य मतदार यामुळे या निवडणुकीत किती मतदान होते, याकडे सर्वांचे लक्ष लागले आहे. या पार्श्वभूमीवर मतदानाचे प्रमाण वाढवण्यासाठी आयुक्त डॉ. योगेश म्हसे यांनी कंबर कसली आहे. शिक्षक कर्मचाऱ्यांची बैठक घेऊन त्यांना आयुक्तांनी नुकतेच मार्गदर्शन केले. मे महिन्यामुळे शाळांना सुटी असली तरी निवडणुकीच्या अतिमहत्त्वाच्या कामामुळे ज्या शिक्षक व मुख्याध्यापकांवर निवडणूक कामकाज सोपवण्यात आले आहे, त्यांची सुटी हे काम संपेपर्यंत रद्द करण्यात आल्याचे त्यांनी सांगितले. तसेच, वोटर स्लिप वेळेत मतदारांपर्यंत पोहोचवण्याच्या कामात हलगर्जी आढळून आली तर त्यांच्यावर निलंबनाची कारवाई करण्याचा इशारा या बैठकीत आयुक्तांनी दिला.
एकीकडे शिक्षकांना सुटीपासून वंचित रहावे लागणार असताना या निवडणुकीत सर्व कामगारांना मतदानाच्या दिवशी भरपगारी सुटी जाहीर करण्यात आली आहे. भिवंडीतील सर्व दुकाने, आस्थापना, निवासी हॉटेल, नाट्यगृहे, खानावळी, व्यापार, औद्योगिक उपक्रम, निमसरकारी कार्यालये, मंडळे व महामंडळे आदी ठिकाणच्या कामगारांना ही सुटी देण्यात आली आहे. अपवादात्मक परिस्थितीत पूर्ण दिवस सुटी शक्य नसल्यास केवळ दोन ते तीन तासांची सवलत देण्याची मुभा जिल्हाधिकाऱ्यांनी दिली आहे. परंतु त्यासाठी त्यांची पूर्वपरवानगी आवश्यक आहे. ज्या आस्थापनांमध्ये कामगारांना २४ मे या मतदानाच्या दिवशी सुटी दिली जाणार नाही, त्यांच्यावर नियमानुसार कडक कारवाई करण्याचा इशारा देण्यात आला आहे. याबाबत काही तक्रार असल्यास सहाय्यक कामगार आयुक्तांना ०२५२२-२५४२३१ या क्रमांकावर संपर्क साधण्याचे आवाहन जिल्हा प्रशासनाने केले आहे.
म. टा. प्रतिनिधी, ठाणे
भिवंडी महापालिकेच्या निवडणुकीत ज्या शिक्षक व मुख्याध्यापकांना निवडणूक कामकाजाची जबाबदारी सोपवण्यात आली आहे, त्यांची सुटी २० मे पासूनच रद्द करण्यात आली आहे. वोटर स्लिप मतदानाच्या दोन दिवस आधी उपलब्ध करून देण्याचे बंधनदेखील त्यांच्यावर लादण्यात आले आहे. त्यामुळे मे महिन्याच्या सुटीचा आनंद उपभोगण्याची प्रतीक्षा करणाऱ्या शिक्षकांना रणरणत्या उन्हात पायपीट करत वोटर स्लिप वाटण्याची वेळ आली आहे.
२४ मे रोजी भिवंडी पालिकेच्या निवडणुकीत मतदान होत आहे. आधीच बोगस मतदारांच्या तक्रारी तसेच प्रचंड उकाडा व सुटीमुळे बाहेरगावी गेलेले असंख्य मतदार यामुळे या निवडणुकीत किती मतदान होते, याकडे सर्वांचे लक्ष लागले आहे. या पार्श्वभूमीवर मतदानाचे प्रमाण वाढवण्यासाठी आयुक्त डॉ. योगेश म्हसे यांनी कंबर कसली आहे. शिक्षक कर्मचाऱ्यांची बैठक घेऊन त्यांना आयुक्तांनी नुकतेच मार्गदर्शन केले. मे महिन्यामुळे शाळांना सुटी असली तरी निवडणुकीच्या अतिमहत्त्वाच्या कामामुळे ज्या शिक्षक व मुख्याध्यापकांवर निवडणूक कामकाज सोपवण्यात आले आहे, त्यांची सुटी हे काम संपेपर्यंत रद्द करण्यात आल्याचे त्यांनी सांगितले. तसेच, वोटर स्लिप वेळेत मतदारांपर्यंत पोहोचवण्याच्या कामात हलगर्जी आढळून आली तर त्यांच्यावर निलंबनाची कारवाई करण्याचा इशारा या बैठकीत आयुक्तांनी दिला.
एकीकडे शिक्षकांना सुटीपासून वंचित रहावे लागणार असताना या निवडणुकीत सर्व कामगारांना मतदानाच्या दिवशी भरपगारी सुटी जाहीर करण्यात आली आहे. भिवंडीतील सर्व दुकाने, आस्थापना, निवासी हॉटेल, नाट्यगृहे, खानावळी, व्यापार, औद्योगिक उपक्रम, निमसरकारी कार्यालये, मंडळे व महामंडळे आदी ठिकाणच्या कामगारांना ही सुटी देण्यात आली आहे. अपवादात्मक परिस्थितीत पूर्ण दिवस सुटी शक्य नसल्यास केवळ दोन ते तीन तासांची सवलत देण्याची मुभा जिल्हाधिकाऱ्यांनी दिली आहे. परंतु त्यासाठी त्यांची पूर्वपरवानगी आवश्यक आहे. ज्या आस्थापनांमध्ये कामगारांना २४ मे या मतदानाच्या दिवशी सुटी दिली जाणार नाही, त्यांच्यावर नियमानुसार कडक कारवाई करण्याचा इशारा देण्यात आला आहे. याबाबत काही तक्रार असल्यास सहाय्यक कामगार आयुक्तांना ०२५२२-२५४२३१ या क्रमांकावर संपर्क साधण्याचे आवाहन जिल्हा प्रशासनाने केले आहे.