इंजिन बंद; मध्य रेल्वेची वाहतूक विस्कळीत

मटा ऑनलाइन वृत्त । कल्याण

कसारा-उंबरमाळी स्टेशनांदरम्यान पंजाब मेलचं इंजिन बंद पडल्यानं मध्य रेल्वेची वाहतूक विस्कळीत झाली आहे.

सकाळी साडेसातच्या सुमारास पंजाब मेल कसाऱ्याहून मुंबईकडे येत होती. त्याचवेळी तिच्या इंजिनात बिघाड झाला. त्यामुळे कसारा-मुंबई लोकलसेवा पूर्णपणे ठप्प झाली असून नोकरदारांचे हाल होत आहेत. तसंच, या मार्गावरून मुंबईकडे येणाऱ्या मेल-एक्स्प्रेस गाड्याही जागच्या जागी थांबल्यानं त्यातील प्रवाशांचा खोळंबा झाला आहे.

रेल्वे प्रशासनानं नादुरुस्त इंजिन दुरुस्त करण्याचा प्रयत्न सुरू केला आहे. ते दुरुस्त न झाल्यास अन्य इंजिन वापरून ही मेल पुढे आणावी लागणार आहे. त्यादृष्टीनेही हालचाली सुरू झाल्याचं कळतं.