​ वृद्धाकडून पाच मुलींचा विनयभंग

ठाणे ः कारखान्यात काम करणाऱ्या ६० वर्षीय वृद्धाने पाच अल्पवयीन मुलींचा विनयभंग केल्याचा प्रकार भिवंडीत उघडकीस आला आहे. सहा महिन्यांपासून हा आरोपी मुलींशी अश्लील चाळे करत होता. पोलिसांनी त्याला अटक केली आहे.

मेहमद अस्लम अब्दुल खालीक मोमीम असे त्याचे नाव आहे. येथील वाजा मोहल्लामध्ये असलेल्या लूममध्ये काम करतो. याठिकाणी राहणाऱ्या ८ ते ११ वर्षे वयोगटातील पाच अल्पवयीन मुली तिथे खेळत असत. तो मुलींना कारखान्यात बोलवून त्यांच्याशी अश्लील चाळे करत होता. विरोध केल्यास चाकू दाखवून आईवडिलांना मारण्याची धमकी देत होता. यातील एका मुलीने दिलेल्या तक्रारीनंतर मंगळवारी विनयभंगाचा गुन्हा दाखल करण्यात आला.