भाजपमध्ये पुन्हा इनकमिंग सुरू

ठाणे : अन्य पक्षातील प्रस्थापितांचे इनकमिंग भाजपने सुरूच ठेवले असून रविवारी शिवसेनेचे माजी नगरसेवक जनार्दन खेतले व राष्ट्रवादी काँग्रेसच्या मागासवर्गीय सेलचे शहराध्यक्ष मिलिंद बनकर यांनी रविवारी भाजपमध्ये प्रवेश केला. गेल्या दोन वर्षांत भाजपने केंद्र व राज्य सरकारमध्ये केलेल्या कामांमुळे प्रभावित होऊन भाजपमध्ये दाखल होत असल्याचे त्यांनी स्पष्ट केले.

हाजूरी भागातून जनार्दन खेतले यांनी शिवसेनेचे नगरसेवकपद भूषविले होते. गेल्या निवडणुकीत त्यांनी मनसेत प्रवेश केला होता. तर, कोपरीत वास्तव्य असलेल्या मिलिंद बनकर यांच्या पत्नी संगीता यांनी नगरसेवकपद भूषविले आहे.