म. टा. विशेष प्रतिनिधी, ठाणे
गेले तीन आठवडे सुरू असलेल्या ठाण्यातील महास्वच्छता अभियानाच्या समारोपाच्या दिवशी तब्बल पाच लाख ठाणेकरांना स्वच्छ ठाणे, सुंदर ठाण्याचा नारा देत सक्रिय सहभाग नोंदविला होता. या सहभागामुळे यापूर्वीच्या स्वच्छता अभियानाच्या विक्रमी सहभागाचे आकडे मोडीत निघण्याची चिन्हे असून ठाण्याचे नाव ‘लिम्का बुक ऑफ रेकॉर्ड’मध्ये नोंदविले जाण्याची दाट शक्यता व्यक्त केली जात आहे.
‘माझे ठाणे सुंदर ठाणे’ हे ब्रीदवाक्य घेत १ ऑक्टोबरपासून आयुक्त संजीव जयस्वाल यांच्या नेतृत्वाखाली शहरात महास्वच्छता अभियानाची सुरुवात झाली. त्यानंतर पुढील तीन आठवडे ठाणे शहरात स्वच्छता मोहीम हाती घेण्यात आली होती. ज्यामध्ये सर्व रस्ते, चौक, तलाव, गृहनिर्माण संकुले, सरकारी आणि निमसरकारी कार्यालये आदींचा समावेश होता. रविवारी दादोजी कोंडदेव स्टेडियमवर या सोहळ्याचा जंगी सांगता सोहळा रंगला. हे अभियान एका दिवसापुरते न राहता ते कायम शहरात राबविण्याची शपथही यावेळी घेण्यात आली. रविवारी तब्बल पाच लाख ठाणेकरांनी या उपक्रमात सक्रिय सहभाग घेतल्याने त्याची नोंद लिम्का बुकमध्ये नोंदविण्यासाठी पत्रव्यवहार सुरू केला आहे.
हरियाणाचा विक्रम मोडणार?
१ सप्टेंबर, २०१५ रोजी हरियाणा येथील स्वच्छता अभियानात ४ लाख ९० हजार ७९३ जणांनी सहभाग घेतल्याचा विक्रम सध्या अस्तित्वात आहे. त्यामुळे ठाण्यातील पाच लाखांच्या सहभागाचा नवा विक्रम प्रस्थापित होण्याची दाट शक्यता आहे. त्यासाठी आवश्यक असलेली माहिती आणि पुरावे लिम्का बुक ऑफ रेकॉर्डच्या व्यवस्थापनाने पालिकेकडून मागविले आहेत.
गेले तीन आठवडे सुरू असलेल्या ठाण्यातील महास्वच्छता अभियानाच्या समारोपाच्या दिवशी तब्बल पाच लाख ठाणेकरांना स्वच्छ ठाणे, सुंदर ठाण्याचा नारा देत सक्रिय सहभाग नोंदविला होता. या सहभागामुळे यापूर्वीच्या स्वच्छता अभियानाच्या विक्रमी सहभागाचे आकडे मोडीत निघण्याची चिन्हे असून ठाण्याचे नाव ‘लिम्का बुक ऑफ रेकॉर्ड’मध्ये नोंदविले जाण्याची दाट शक्यता व्यक्त केली जात आहे.
‘माझे ठाणे सुंदर ठाणे’ हे ब्रीदवाक्य घेत १ ऑक्टोबरपासून आयुक्त संजीव जयस्वाल यांच्या नेतृत्वाखाली शहरात महास्वच्छता अभियानाची सुरुवात झाली. त्यानंतर पुढील तीन आठवडे ठाणे शहरात स्वच्छता मोहीम हाती घेण्यात आली होती. ज्यामध्ये सर्व रस्ते, चौक, तलाव, गृहनिर्माण संकुले, सरकारी आणि निमसरकारी कार्यालये आदींचा समावेश होता. रविवारी दादोजी कोंडदेव स्टेडियमवर या सोहळ्याचा जंगी सांगता सोहळा रंगला. हे अभियान एका दिवसापुरते न राहता ते कायम शहरात राबविण्याची शपथही यावेळी घेण्यात आली. रविवारी तब्बल पाच लाख ठाणेकरांनी या उपक्रमात सक्रिय सहभाग घेतल्याने त्याची नोंद लिम्का बुकमध्ये नोंदविण्यासाठी पत्रव्यवहार सुरू केला आहे.
हरियाणाचा विक्रम मोडणार?
१ सप्टेंबर, २०१५ रोजी हरियाणा येथील स्वच्छता अभियानात ४ लाख ९० हजार ७९३ जणांनी सहभाग घेतल्याचा विक्रम सध्या अस्तित्वात आहे. त्यामुळे ठाण्यातील पाच लाखांच्या सहभागाचा नवा विक्रम प्रस्थापित होण्याची दाट शक्यता आहे. त्यासाठी आवश्यक असलेली माहिती आणि पुरावे लिम्का बुक ऑफ रेकॉर्डच्या व्यवस्थापनाने पालिकेकडून मागविले आहेत.