ठाणे: बहिणीवर बलात्कार करणाऱ्या सख्या चुलत भावाला मंगळवारी ठाणे न्यायालयाने दहा वर्षांची शिक्षा ठोठावली. विशेष म्हणजे या प्रकरणात पीडित मुलीसह तिची आई आणि आजोबा फितूर झाले. मात्र मुलीने तिच्यावरील अत्याचाराची माहिती मैत्रीण आणि शाळेतील शिक्षिकेला दिली. शिक्षिका, डॉक्टर आणि पीडितेची मैत्रीण यांची साक्ष महत्वपूर्ण ठरली आणि आरोपीला शिक्षा झाल्याची माहिती सरकारी वकील संजय मोरे यांनी दिली.
पीडित अल्पवयीन मुलगी नवी मुंबईतील सानपाडा परिसरातील काकाच्या घरी राहत असून तिची आई मूळ गावी वर्धा येथे असते. नवी मुंबईतीलच एका नामांकित इंटरनॅशनल शाळेत ही मुलगी शिक्षण घेत आहे. दरम्यान, सप्टेंबर २०१७ पासून काकाचा मुलगाच तिच्याशी घरी गैरवर्तन करून लागला. सख्खा चुलत भाऊ असल्याने मुलीने ही गोष्ट घरी सांगितली नव्हती. ऑक्टोबर महिन्यात शाळेला दिवाळीची सुट्टी लागली. त्यावेळी देखील घरी असताना चुलत भावाने तिच्यावर बळजबरी केली होती. त्यानंतर त्याने तिच्यावर अनेकदा बलात्कार केला. काकाच्या घरी राहत असल्याने त्यांचे उपकार म्हणून तिने या प्रकाराविषयी कोठेच वाच्यता केली नाही. परंतु मुलीने पोटात दुखत असल्याचे शाळेतील मैत्रिणीला सांगितले. मैत्रिणीने ही बाब शिक्षिकेच्या कानावर घातली. शिक्षिकेने पीडितेला बोलावून घेत तिला विचारणा केली. त्यानंतर चुलत भावाने केलेल्या अत्याचाराची माहिती तिनं दिली आणि हा प्रकार पुढे आला.
शिक्षिकेच्या तक्रारीनंतर २०१८ मध्ये १९ वर्षीय आरोपीविरुद्ध सानपाडा पोलिस ठाण्यात गुन्हा दाखल करण्यात आला होता. पोलिसांनी आरोपीला अटक केले. एकूण दहा साक्षीदार तपासण्यात आले. मात्र, न्यायालयात पीडितेसह तिची आई आणि आजोबा फितूर झाले. परंतु पीडितेची मैत्रीण, शिक्षिका आणि डॉक्टर यांची साक्ष महत्वपूर्ण ठरली. आरोपीविरुद्ध आरोप सिद्ध झाला. ठाणे न्यायालयातील पॉक्सो न्यायालयाचे विशेष न्यायाधीश के. डी. शिरभाते यांनी भादंवि कलम ३७६ (२)(एन) या कलमाखाली दहा वर्षाचा कारावास आणि पाच हजाराचा दंड, भादंवि कलम ३५४ मध्ये ५ वर्षाचा कारावास, पाच हजार दंड, आणि इतरही वेगवेगळ्या कलमाखाली सात आणि दहा वर्षाची शिक्षा ठोठावली.
बोगस बांगलादेशी; मनसे कार्यकर्त्यांवर गुन्हे
माजी महिला कर्णधाराला पतीकडून मारहाण!
मुंबई: कॉन्फरन्स कॉलवरच पत्नीला तीन तलाक
पीडित अल्पवयीन मुलगी नवी मुंबईतील सानपाडा परिसरातील काकाच्या घरी राहत असून तिची आई मूळ गावी वर्धा येथे असते. नवी मुंबईतीलच एका नामांकित इंटरनॅशनल शाळेत ही मुलगी शिक्षण घेत आहे. दरम्यान, सप्टेंबर २०१७ पासून काकाचा मुलगाच तिच्याशी घरी गैरवर्तन करून लागला. सख्खा चुलत भाऊ असल्याने मुलीने ही गोष्ट घरी सांगितली नव्हती. ऑक्टोबर महिन्यात शाळेला दिवाळीची सुट्टी लागली. त्यावेळी देखील घरी असताना चुलत भावाने तिच्यावर बळजबरी केली होती. त्यानंतर त्याने तिच्यावर अनेकदा बलात्कार केला. काकाच्या घरी राहत असल्याने त्यांचे उपकार म्हणून तिने या प्रकाराविषयी कोठेच वाच्यता केली नाही. परंतु मुलीने पोटात दुखत असल्याचे शाळेतील मैत्रिणीला सांगितले. मैत्रिणीने ही बाब शिक्षिकेच्या कानावर घातली. शिक्षिकेने पीडितेला बोलावून घेत तिला विचारणा केली. त्यानंतर चुलत भावाने केलेल्या अत्याचाराची माहिती तिनं दिली आणि हा प्रकार पुढे आला.
शिक्षिकेच्या तक्रारीनंतर २०१८ मध्ये १९ वर्षीय आरोपीविरुद्ध सानपाडा पोलिस ठाण्यात गुन्हा दाखल करण्यात आला होता. पोलिसांनी आरोपीला अटक केले. एकूण दहा साक्षीदार तपासण्यात आले. मात्र, न्यायालयात पीडितेसह तिची आई आणि आजोबा फितूर झाले. परंतु पीडितेची मैत्रीण, शिक्षिका आणि डॉक्टर यांची साक्ष महत्वपूर्ण ठरली. आरोपीविरुद्ध आरोप सिद्ध झाला. ठाणे न्यायालयातील पॉक्सो न्यायालयाचे विशेष न्यायाधीश के. डी. शिरभाते यांनी भादंवि कलम ३७६ (२)(एन) या कलमाखाली दहा वर्षाचा कारावास आणि पाच हजाराचा दंड, भादंवि कलम ३५४ मध्ये ५ वर्षाचा कारावास, पाच हजार दंड, आणि इतरही वेगवेगळ्या कलमाखाली सात आणि दहा वर्षाची शिक्षा ठोठावली.
बोगस बांगलादेशी; मनसे कार्यकर्त्यांवर गुन्हे
माजी महिला कर्णधाराला पतीकडून मारहाण!
मुंबई: कॉन्फरन्स कॉलवरच पत्नीला तीन तलाक