दुर्दैवी घटना! ठाणे अग्निशमन दलातील फायरमनचा अपघातात मृत्यू

म. टा. प्रतिनिधी, ठाणे: कामावरून मोटरसायकलने घरी जात असताना, ट्रकने दिलेल्या जोरदार धडकेत ठाणे अग्निशमन दलातील फायरमन मंगलसिंग कुमारसिंग राजपूत यांचा मृत्यू झाला. पूर्व द्रुतगती मार्गावर गुरुवारी सायंकाळी हा अपघात घडला.

४२ वर्षीय राजपूत हे कोपरी अग्निशमन केंद्रात कार्यरत होते. २००३ मध्ये ते ठाणे अग्निशमन दलात रूजू झाले होते. तर बाळकुम येथील अग्निशमन वसाहतीमध्ये राहणारे राजपूत गुरुवारी सकाळच्या सत्रातील काम संपवून मोटरसायकलवरून घरी निघाले होते. पूर्व द्रुतगती मार्गावरून जात असताना, सायंकाळी साडेपाच वाजण्याच्या सुमारास कोपरी पुलापासून काही अंतरावर असलेल्या सतीश प्रधान ज्ञानसाधना कॉलेजसमोर त्यांना एका भरधाव ट्रकने जोरदार धडक दिली. या अपघातात राजपूत यांच्या डोक्याला गंभीर दुखापत झाली. या अपघाताची माहिती मिळताच पोलीस, आपत्ती व्यवस्थापन कक्ष आणि अग्निशमन विभागाचे कर्मचारी हे बचाव वाहन तसेच रुग्णवाहिकेसह घटनास्थळी पोहोचले. जखमी राजपूत यांना तातडीने कळव्यातील छत्रपती शिवाजी महाराज रुग्णालयात दाखल करण्यात आले. मात्र त्यापूर्वीच त्यांचा मृत्यू झाला होता.

मजुराला पालघर तहसीलदारांची लाथाबुक्क्यांनी मारहाण; व्हिडिओ व्हायरल

साहेब, अंत पाहू नका! आजारी महिला पोलिसाचा व्हिडिओ व्हायरल