म. टा. वृतसेवा, ठाणे
गर्दीच्यावेळी तिकीट काढण्यासाठी सुरुवातीला एटीव्हीएम मशीन बसवण्यात आले होते. यासाठी प्रवाशांकडे स्मार्ट कार्ड असणे आवश्यक होते. परंतु, त्यानंतर ठाणे स्थानकाला उशिरा का होईना, पण सीओटीव्हीएम म्हणजेच कॉइन ऑपरेटेड तिकीट व्हेंडिंग मशीन देण्यात आले होते. अशी पाच मशीन ठाणे रेल्वे स्थानकात दाखल झाली होते. परंतु, तांत्रिक बिघाडाचे कारण देत आता ही मशीन्स बंद करण्यात आली आहेत. त्यामुळे प्रवाशांना पुन्हा रांगेत उभे राहून तिकीट काढावे लागत आहे.
या मशिनमध्ये प्रवाशांनी नोटा किंवा नाणी टाकल्यानंतर त्यांना तिकीट मिळत होते. प्रवाशाला या मशीनमधून तिकीट घेण्यासाठी पाच ते एक हजार रुपयांपर्यंतच्या नोटा तसेच ५ व १० रुपयांच्या नाण्यांचा वापर करता येणार होता. प्रवाशांना या मशिनच्या माध्यमातून स्मार्ट कार्ड रिचार्ज करता येणार होते. या मशिनद्वारे प्लॅटफॉर्म तिकीटदेखील काढता येणार होते. हे मशिन चोवीस तास सुरू राहणार असे सांगण्यात येत असतानाच आता सॉफ्टवेअरमध्ये बिघाड झाला असल्याचे सांगण्यात येत आहे. या एका मशिनची किंमत सुमारे तीन ते चार लाख एवढी असून त्याची देखभाल दुरुस्ती खासगी कंपनीमार्फत करण्यात येणार होती.
ठाणे स्थानकात आधीच २० ते २२ एटीव्हीएम मशीन बसवण्यात आली आहेत. त्याची देखभाल आणि दुरुस्ती क्वचितच करण्यात येते. यातील काही मशीन बंद पडली असल्याचे प्रवाशांच्या तक्रारीतून समोर आले आहे. बहुतांश मशीनचे सेन्सर निकामी झाले असल्याची स्थिती आहे. त्यात आता ही नव्याने दाखल झालेली मशीन बंद पडल्यामुळे शेवटी प्रवाशांना तिकीट खिडक्यांवर रांगा लावून तिकीट घ्यावे लागत आहे.
पैसे जाण्याची भीती होतीच
या सिओटीव्हीएम मशीनचा वापर प्रवाशांकडून कमीच होता. मशीनमध्ये चालणाऱ्या नोटा या कोऱ्या करकरीत असणे आवश्यक होते. त्याचप्रमाणे पाच रुपयाचे नाणेच या मशीनमध्ये चालत असे. त्यामुळे आपण पैसे टाकल्यावर ते परत मिळतील ना किंवा टाकलेल्या पैशात तिकीट बाहेर येईल ना, असा संभ्रम प्रवाशांमध्ये होता. त्यामुळे मशीन पुन्हा सुरूच करू नका. त्यापेक्षा बंद न पडणारी आणि सामान्यांना परवडेल, अशी प्रणाली बसवा अशी प्रतिक्रिया ठाणे प्रवासी संघटनेच्या नंदकुमार देशमुख यांनी दिली.
गर्दीच्यावेळी तिकीट काढण्यासाठी सुरुवातीला एटीव्हीएम मशीन बसवण्यात आले होते. यासाठी प्रवाशांकडे स्मार्ट कार्ड असणे आवश्यक होते. परंतु, त्यानंतर ठाणे स्थानकाला उशिरा का होईना, पण सीओटीव्हीएम म्हणजेच कॉइन ऑपरेटेड तिकीट व्हेंडिंग मशीन देण्यात आले होते. अशी पाच मशीन ठाणे रेल्वे स्थानकात दाखल झाली होते. परंतु, तांत्रिक बिघाडाचे कारण देत आता ही मशीन्स बंद करण्यात आली आहेत. त्यामुळे प्रवाशांना पुन्हा रांगेत उभे राहून तिकीट काढावे लागत आहे.
या मशिनमध्ये प्रवाशांनी नोटा किंवा नाणी टाकल्यानंतर त्यांना तिकीट मिळत होते. प्रवाशाला या मशीनमधून तिकीट घेण्यासाठी पाच ते एक हजार रुपयांपर्यंतच्या नोटा तसेच ५ व १० रुपयांच्या नाण्यांचा वापर करता येणार होता. प्रवाशांना या मशिनच्या माध्यमातून स्मार्ट कार्ड रिचार्ज करता येणार होते. या मशिनद्वारे प्लॅटफॉर्म तिकीटदेखील काढता येणार होते. हे मशिन चोवीस तास सुरू राहणार असे सांगण्यात येत असतानाच आता सॉफ्टवेअरमध्ये बिघाड झाला असल्याचे सांगण्यात येत आहे. या एका मशिनची किंमत सुमारे तीन ते चार लाख एवढी असून त्याची देखभाल दुरुस्ती खासगी कंपनीमार्फत करण्यात येणार होती.
ठाणे स्थानकात आधीच २० ते २२ एटीव्हीएम मशीन बसवण्यात आली आहेत. त्याची देखभाल आणि दुरुस्ती क्वचितच करण्यात येते. यातील काही मशीन बंद पडली असल्याचे प्रवाशांच्या तक्रारीतून समोर आले आहे. बहुतांश मशीनचे सेन्सर निकामी झाले असल्याची स्थिती आहे. त्यात आता ही नव्याने दाखल झालेली मशीन बंद पडल्यामुळे शेवटी प्रवाशांना तिकीट खिडक्यांवर रांगा लावून तिकीट घ्यावे लागत आहे.
पैसे जाण्याची भीती होतीच
या सिओटीव्हीएम मशीनचा वापर प्रवाशांकडून कमीच होता. मशीनमध्ये चालणाऱ्या नोटा या कोऱ्या करकरीत असणे आवश्यक होते. त्याचप्रमाणे पाच रुपयाचे नाणेच या मशीनमध्ये चालत असे. त्यामुळे आपण पैसे टाकल्यावर ते परत मिळतील ना किंवा टाकलेल्या पैशात तिकीट बाहेर येईल ना, असा संभ्रम प्रवाशांमध्ये होता. त्यामुळे मशीन पुन्हा सुरूच करू नका. त्यापेक्षा बंद न पडणारी आणि सामान्यांना परवडेल, अशी प्रणाली बसवा अशी प्रतिक्रिया ठाणे प्रवासी संघटनेच्या नंदकुमार देशमुख यांनी दिली.