म. टा. प्रतिनिधी, ठाणे
विम्याचे हप्ते आधीच भरल्यास जास्त पैसे मिळतील, या अमिषाला बळी पडलेल्या एका महिलेला तब्बल १७ लाख रुपये गमगावे लागले असून या फसवणुकीप्रकरणी नौपाडा पोलिस ठाण्यात गुन्हा दाखल करण्यात आला आहे. आरोपीने फसवणुकीसाठी बनावट ई-मेल आयडी तयार केला असल्याची माहिती पुढे आली आहे.
आयटी कंपनीत काम करणारी ४५ वर्षांची महिला ठाण्यातील पाचपाखाडी परिसरात राहते. सुमीत आहुजा या नावाने महिलेला फोन आला. विमा कंपनीच्या सर्व्हिस विभागामधून बोलत असल्याचे त्याने महिलेला सांगितले. महिलेने पूर्वी काही विमा काढले असून या विम्याचा लॉकिंग कालावधी हा पाच वर्षांचा आहे. मात्र उर्वरित १७ लाखांचे हप्ते आधी भरल्यास जास्त पैसे मिळतील, असे आरोपीने महिलेला आमिष दाखवले. तसेच आरोपीने फसवणुकीसाठी कंपनीच्या नावाने बनावट ई-मेल आयडीही तयार केला होता. आरोपीच्या सांगण्यावर विश्वास ठेवत महिलेने आरोपीने दिलेल्या बँक खात्यावर पैसे भरले. अशा प्रकारे महिलेची लाखो रुपयांची फसवणूक झाली असून महिलेच्या तक्रारीनंतर सुमीत आहुजा याच्याविरुद्ध सोमवारी फसवणुकीचा गुन्हा दाखल करण्यात आला. नौपाडा पोलिस आरोपीचा शोध घेत आहेत. विशेष म्हणजे आरोपीने कंपनीचे लेटरहेडही तयार केल्याची माहिती चौकशीत समोर आली आहे.
विम्याचे हप्ते आधीच भरल्यास जास्त पैसे मिळतील, या अमिषाला बळी पडलेल्या एका महिलेला तब्बल १७ लाख रुपये गमगावे लागले असून या फसवणुकीप्रकरणी नौपाडा पोलिस ठाण्यात गुन्हा दाखल करण्यात आला आहे. आरोपीने फसवणुकीसाठी बनावट ई-मेल आयडी तयार केला असल्याची माहिती पुढे आली आहे.
आयटी कंपनीत काम करणारी ४५ वर्षांची महिला ठाण्यातील पाचपाखाडी परिसरात राहते. सुमीत आहुजा या नावाने महिलेला फोन आला. विमा कंपनीच्या सर्व्हिस विभागामधून बोलत असल्याचे त्याने महिलेला सांगितले. महिलेने पूर्वी काही विमा काढले असून या विम्याचा लॉकिंग कालावधी हा पाच वर्षांचा आहे. मात्र उर्वरित १७ लाखांचे हप्ते आधी भरल्यास जास्त पैसे मिळतील, असे आरोपीने महिलेला आमिष दाखवले. तसेच आरोपीने फसवणुकीसाठी कंपनीच्या नावाने बनावट ई-मेल आयडीही तयार केला होता. आरोपीच्या सांगण्यावर विश्वास ठेवत महिलेने आरोपीने दिलेल्या बँक खात्यावर पैसे भरले. अशा प्रकारे महिलेची लाखो रुपयांची फसवणूक झाली असून महिलेच्या तक्रारीनंतर सुमीत आहुजा याच्याविरुद्ध सोमवारी फसवणुकीचा गुन्हा दाखल करण्यात आला. नौपाडा पोलिस आरोपीचा शोध घेत आहेत. विशेष म्हणजे आरोपीने कंपनीचे लेटरहेडही तयार केल्याची माहिती चौकशीत समोर आली आहे.