सुटीच्या दिवशीही आरटीओ सुरू

ठाणे : महसूल वसूलीचे उद्दिष्ट साध्य करण्यासाठी उप प्रादेशिक परिवहन कार्यालय सुट्टीच्या दिवशी सुरू राहणार आहे. या दिवशी नवीन वाहनांची नोंदणी, पुनर्नोंदणी, योग्यता प्रमाणपत्र नूतनीकरण, वाहन हस्तांतरण, ना हरकत प्रमाणपत्र, तसेच वाहन कर व शुल्क स्वीकारणे इत्यादी कामे करण्यात येईल. शनिवार, ११ मार्च, रविवार (होळी) १२ मार्च, रविवार, १९ मार्च, शनिवार (चौथा) २५ मार्च, रविवार २६ मार्च, तर मंगळवार (गुढीपाडवा) २८ मार्च सुट्टीच्या दिवशी वाहन कर भरणे, शुल्क स्वीकारणे कामे केली जातील.

लोकशाही दिन

ठाणे : लोकशाही दिनाच्या दिवशी नागरिकांची निवेदने न स्वीकारता त्यांचे निवेदन दोन प्रतीत संबंधित लोकशाही दिनाच्या १५ दिवस आधी पालिका कार्यालयात सादर करणे आवश्यक आहे. त्यामुळेच नागरिकांनी एप्रिल महिन्याच्या लोकशाही दिनाच्या १५ दिवस आधी म्हणजेच २० मार्चपूर्वी निवेदन ठाणे पालिकेच्या नागरी सुविधा केंद्रात दोन प्रतींमध्ये सादर करण्याच्या सूचना पालिकेने केल्या आहेत. तसेच, संबंधित निवेदन दाखल करताना प्रपत्र -१ (ब) प्रत्येक निवेदनासोबत अर्जदाराने सादर करणे आवश्यक आहे. प्रपत्र - १ (ब) नागरी सुविधा केंद्र येथे देण्यात आले आहे.