नववीतील मुलाचा मृत्यू

कल्याण : डोंबिवलीतील शाळेत नववीत शिकणाऱ्या दर्शन हेरावत या विद्यार्थ्याचा गुरुवारी परीक्षा देऊन बाहेर पडल्यानंतर काही वेळातच कोसळून मृत्यू झाला. हृदयविकाराच्या झटक्याने त्याचा अंत झाला असावा, अशी शक्यता व्यक्त करण्यात येत असली तरी शवविच्छेदन अहवाल आल्यावरच कारण स्पष्ट होईल. ठाण्यातील सातवीतील एका १३ वर्षीय विद्यार्थ्याचाही अकाली अंत झाल्याने हळहळ व्यक्त होत आहे.

विद्यानिकेतन शाळेत शिकणारा दर्शन गुरुवारी नेहमीप्रमाणे शाळेत परीक्षेसाठी आला. परीक्षा संपवून वर्गाबाहेर पडल्यानंतर तो पाणी प्यायला आणि काही क्षणांतच तेथेच कोसळला, अशी माहिती देण्यात आली.