परराज्यातील नागरिकांना त्यांच्या राज्यात पाठवण्यासाठी प्रशासनामार्फत प्रयत्न करण्यात आले असले, तरी प्रशासनामार्फत लिंक दिल्यानंतर करोनासंबंधातील वैद्यकीय प्रमाणपत्र घेण्यासाठी श्रमिकांनी पालघरच्या ग्रामीण रुग्णालयासमोर गर्दी केली. यात सुरक्षित वावराचे उल्लंघन करण्यात आले. अखेर पोलिसांनी दंडुके दिल्यानंतर गर्दी ओसरली. श्रमिकांनी नियमांचे पालन करत रांग लावली. या सर्व प्रक्रियेत पोलिसांची चांगलीच दमछाक झाली. परराज्यातील नागरिक, पर्यटक, विद्यार्थी यांना आपापल्या राज्यात जाण्यासाठी प्रशासनामार्फत योग्य ती उपाययोजना आखण्यात येत आहे. तसेच त्यांना येथे पाठवण्यासाठी त्यांची माहिती भरण्यासाठी प्रशासनामार्फत लिंक देण्यात येत आहे. प्रमाणपत्रे घेण्यासाठी येताना नागरिकांनी मोठ्या प्रमाणात गर्दी करू नये व नियम पाळावेत. प्रशासनाला सहकार्य करावे, असे आवाहन पालघरचे तहसीलदार सुनील शिंदे यांनी केले.
पालघरमध्येही झुंबड
परराज्यातील नागरिकांना त्यांच्या राज्यात पाठवण्यासाठी प्रशासनामार्फत प्रयत्न करण्यात आले असले, तरी प्रशासनामार्फत लिंक दिल्यानंतर करोनासंबंधातील ...
महाराष्ट्र टाइम्स.कॉम 5 May 2020, 4:00 am