कल्याण : कल्याण-कसारा मार्गावर असलेल्या शहाड रेल्वेस्थानकात असलेल्या पुलावर तब्बल एक तास योगेश विशे नावाचा तरुण बेशुद्ध होऊन पडला होता. वारंवार सांगूनसुद्धा या तरुणाच्या मदतीसाठी एकही आरपीएफ जवान मदतीसाठी धावून आला नाही. अखेर एक तासानंतर योगेशला उचलून नागरिकांनी उपचारासाठी रुग्णालयात दाखल केले, मात्र उपचाराअभावी योगेशचा मृत्यू झाला. योगेशचा मृत्यू हृदयविकाराच्या झटक्याने झाल्याची प्राथमिक माहिती रुग्णालयातील सूत्रांकडून देण्यात आली. मात्र वेळेवर उपचार मिळाले असते तर त्याचे प्राण वाचले असते. योगेशबद्दल निष्काळजी दाखवणाऱ्या आरपीएफ जवानांवर कारवाई करण्याची मागणी त्याच्या कुटुंबीयांनी केली आहे.
तरुणाचा मृत्यू
कल्याण-कसारा मार्गावर असलेल्या शहाड रेल्वेस्थानकात असलेल्या पुलावर तब्बल एक तास योगेश विशे नावाचा तरुण बेशुद्ध होऊन पडला होता...
महाराष्ट्र टाइम्स.कॉम 24 Oct 2019, 4:00 am