म. टा. वृत्तसेवा, शहापूर
खासदार कपिल पाटील यांच्या प्रयत्नांतून जेएसडब्ल्यू कंपनीने सारमाळमधील ग्रामस्थांना एक लाख लिटर पाण्याची टाकी बांधून देण्याचे मान्य केले आहे. यामुळे येथील रहिवाशांची पाण्यासाठीची वणवण थांबणार आहे. खासगी कंपन्यांकडील सामाजिक उत्तरदायित्व निधीतून (सीएसआर) टाकी बांधली जाणार आहे. त्यासाठी खासदार कपिल पाटील यांनी कंपनीच्या व्यवस्थापनाकडे प्रयत्न केले होते.
खासदार कपिल पाटील यांच्या हस्ते पाण्याच्या टाकीबरोबरच सारमाळ गावातील विविध विकासकामांचे भूमिपूजन करण्यात आले. या वेळी प्रमुख पाहुणे म्हणून जेएसडब्ल्यू कंपनीचे जनसंपर्क अधिकारी चिन्मय पालेकर उपस्थित होते. या वेळी पंचायत समितीच्या सदस्या सोनल शिंगे, सारमाळच्या सरपंच पुष्पा वाघे, भाजपचे विभागीय उपाध्यक्ष संतोष शिंदे, तालुकाध्यक्ष भास्कर जाधव, उपसरपंच कामिनी वाघ, रामदास राव, दिपक घोडविंदे आदी उपस्थित होते.
सारमाळ गावाच्या विकासासाठी सरकारी योजनांमधून कामांचे प्रस्ताव तयार केले जात होते. त्यावेळी खासदार कपिल पाटील यांनी सीएसआर फंड घेऊन पाण्याची टाकी उभारण्याचा विचार केला. त्यानंतर वासिंद येथील जेएसडब्ल्यू कंपनीच्या व्यवस्थापनाकडे संपर्क साधण्यात आला. त्यासाठी खासदार कपिल पाटील यांनी प्रयत्न केल्यानंतर कंपनीने सारमाळ गावात एक लाख लिटर क्षमतेची पाण्याची टाकी बांधण्यास परवानगी दिली. या पाण्याच्या टाकीमुळे सारमाळवासीयांची तहान भागणार आहे.
पाण्याच्या टाकीबरोबरच ग्रामपंचायतीचे नवे कार्यालय, आगरीपाडा व कुणबीपाडा येथे नदीवर दशक्रिया विधीसाठी घाट, कुणबीपाडा येथील रस्ता आदी कामांचेही भूमिपूजन करण्यात आले.
खासदार कपिल पाटील यांच्या प्रयत्नांतून जेएसडब्ल्यू कंपनीने सारमाळमधील ग्रामस्थांना एक लाख लिटर पाण्याची टाकी बांधून देण्याचे मान्य केले आहे. यामुळे येथील रहिवाशांची पाण्यासाठीची वणवण थांबणार आहे. खासगी कंपन्यांकडील सामाजिक उत्तरदायित्व निधीतून (सीएसआर) टाकी बांधली जाणार आहे. त्यासाठी खासदार कपिल पाटील यांनी कंपनीच्या व्यवस्थापनाकडे प्रयत्न केले होते.
खासदार कपिल पाटील यांच्या हस्ते पाण्याच्या टाकीबरोबरच सारमाळ गावातील विविध विकासकामांचे भूमिपूजन करण्यात आले. या वेळी प्रमुख पाहुणे म्हणून जेएसडब्ल्यू कंपनीचे जनसंपर्क अधिकारी चिन्मय पालेकर उपस्थित होते. या वेळी पंचायत समितीच्या सदस्या सोनल शिंगे, सारमाळच्या सरपंच पुष्पा वाघे, भाजपचे विभागीय उपाध्यक्ष संतोष शिंदे, तालुकाध्यक्ष भास्कर जाधव, उपसरपंच कामिनी वाघ, रामदास राव, दिपक घोडविंदे आदी उपस्थित होते.
सारमाळ गावाच्या विकासासाठी सरकारी योजनांमधून कामांचे प्रस्ताव तयार केले जात होते. त्यावेळी खासदार कपिल पाटील यांनी सीएसआर फंड घेऊन पाण्याची टाकी उभारण्याचा विचार केला. त्यानंतर वासिंद येथील जेएसडब्ल्यू कंपनीच्या व्यवस्थापनाकडे संपर्क साधण्यात आला. त्यासाठी खासदार कपिल पाटील यांनी प्रयत्न केल्यानंतर कंपनीने सारमाळ गावात एक लाख लिटर क्षमतेची पाण्याची टाकी बांधण्यास परवानगी दिली. या पाण्याच्या टाकीमुळे सारमाळवासीयांची तहान भागणार आहे.
पाण्याच्या टाकीबरोबरच ग्रामपंचायतीचे नवे कार्यालय, आगरीपाडा व कुणबीपाडा येथे नदीवर दशक्रिया विधीसाठी घाट, कुणबीपाडा येथील रस्ता आदी कामांचेही भूमिपूजन करण्यात आले.