भूल घालून लुटणारे दोघे ताब्यात

म. टा. वृत्तसेवा, ठाणे

अल्पवयीन मुलासह तिघांनी भुरळ पाडत एका तरुणाला आपल्या जाळ्यात ओढून तरुणाकडील एटीएम कार्ड घेतले. तसेच पिन नंबरही मिळवत तरुणाच्या बँक खात्यातून पैसे काढले. याप्रकरणी पोलिसांनी दोघांना अटक केली आहे. भिवंडीतील मानकोली गावात राहणारा राहुल चव्हाण (२२) नोकरी करत असून बुधवारी सायंकाळी ५ वाजता तो एटीएम सेंटरमध्ये पैसे काढण्यासाठी गेला होता. त्यावेळी आधीच उभ्या असलेल्या तिघांतील एकाने माझ्याकडे दीड लाख रुपये असल्याचे राहुल याला सांगितले. तसेच रुमालामध्ये पैशाची एक गड्डी दाखवली. हे पैसे तुझ्याकडे ठेव आणि तुझे एटीएम मला दे अशी मागणी केली. राहुलकडील एटीएम कार्ड घेतले तसेच पिन नंबरही बोलण्यात गुंतवून काढून घेतला. नंतर बँक खात्यातून भामट्यांनी १२ हजार रुपये काढून घेतले.