म. टा. वृत्तसेवा, पालघर
वाडा तालुक्यात चोऱ्या, घरफोडी व वाहनचोरीप्रकरणी पोलिसांनी तीन संशयितांना अटक केली आहे. गेल्या काही दिवसांपासून वाड्यात चोऱ्या, घरफोडी व वाहनचोरीच्या घटनांमध्ये वाढ झाल्याने नागरिकांमध्ये चिंतेचे वातावरण आहे. तालुक्यातील खुपरी येथील सीताराम भोईर यांनी १७ फेब्रुवारी रोजी मोटारसायकल दारातून चोरीला गेल्याची तक्रार दाखल केली होती. त्याच अनुशंगाने वाडा पोलिसांनी तिघांना अटक केली आहे.
सागर सवरा (२०, रा. ब्राम्हणगाव ता. वाडा), विजय नडगे (२९) व रितेश गवारी (२२, रा. म्हसरोली ता. विक्रमगड), अशी अटक केलेल्या तरुणांची नावे असून त्यांच्याकडून एक होंडा कंपनीची ड्रीम युगा ही मोटारसायकल जप्त करण्यात आली आहे. अन्य चोऱ्यांची उकल होण्याची शक्यता तपास अधिकारी सहा. पोलिस निरीक्षक गणेश माळी यांनी वर्तवली आहे.
वाडा तालुक्यात चोऱ्या, घरफोडी व वाहनचोरीप्रकरणी पोलिसांनी तीन संशयितांना अटक केली आहे. गेल्या काही दिवसांपासून वाड्यात चोऱ्या, घरफोडी व वाहनचोरीच्या घटनांमध्ये वाढ झाल्याने नागरिकांमध्ये चिंतेचे वातावरण आहे. तालुक्यातील खुपरी येथील सीताराम भोईर यांनी १७ फेब्रुवारी रोजी मोटारसायकल दारातून चोरीला गेल्याची तक्रार दाखल केली होती. त्याच अनुशंगाने वाडा पोलिसांनी तिघांना अटक केली आहे.
सागर सवरा (२०, रा. ब्राम्हणगाव ता. वाडा), विजय नडगे (२९) व रितेश गवारी (२२, रा. म्हसरोली ता. विक्रमगड), अशी अटक केलेल्या तरुणांची नावे असून त्यांच्याकडून एक होंडा कंपनीची ड्रीम युगा ही मोटारसायकल जप्त करण्यात आली आहे. अन्य चोऱ्यांची उकल होण्याची शक्यता तपास अधिकारी सहा. पोलिस निरीक्षक गणेश माळी यांनी वर्तवली आहे.