म. टा. प्रतिनिधी, ठाणे
महापालिकेच्या विरोधी पक्षनेतेपदी अखेर राष्ट्रवादी काँग्रेस पक्षाचे नगरसेवक मिलिंद पाटील यांची निवड करण्यात आली. बुधवारी रात्री पक्षश्रेष्ठींकडून पाटील यांच्या नावावर शिक्कामोर्तब करण्यात आले. त्यामुळे महापौरपदी महिला असल्याने विरोधी पक्षनेतेपदही महिलेलाच देण्यात यावे, ही पक्षाचे अध्यक्ष शरद पवार यांच्याकडे करण्यात आलेली मागणी या निर्णयामुळे मागे पडली. तसेच आ. जीतेंद्र आव्हाड गटाचे समर्थक म्हणून ओळखल्या जाणाऱ्या पाटील यांची विरोधी पक्ष नेतेपदी वर्णी लागल्याने आव्हाड गटाच्याच पारड्यात पक्षश्रेष्ठींनी झुकते माप दिल्याचे सिद्ध झाले आहे.
ठाण्यात शिवसेनेखालोखाल ३४ नगरसेवक निवडून आणण्याची किमया आ. जीतेंद्र आव्हाड यांनी साधली. त्यातच निवडून आलेल्या ३४ नगरसेवकांपैकी जवळपास ३० नगरसेवक हे आव्हाड यांचे कट्टर समर्थक असल्याने विरोधी पक्ष नेतेपद त्यापैकीच एकाला मिळेल, अशी चिन्हे आधीपासूनच होती. मात्र अचानक महिला नगरसेविकेला हे पद द्यावे, असा पत्रव्यवहार थेट पक्षाचे अध्यक्ष शरद पवार यांच्याकडे करण्यात आल्याचे वृत्त आल्याने या पदाच्या निवडीत ट्विस्ट निर्माण झाला होता. तसेच या पदासाठी राष्ट्रवादीचे नेते गणेश नाईक यांचे समर्थक असलेल्या कळव्यातील किणी कुटुंबातल्या प्रमिला किणी यांचे नाव या पदासाठी चर्चेत होते. त्याआधी पालिकेत आक्रमक विरोधीपक्ष नेता हवा असल्यास हणमंत जगदाळे किंवा नजीब मुल्ला या दोघांचीच नावे आघाडीवर होती. मात्र या सर्वांवर मात करत पक्षश्रेष्ठींनी पाटील यांच्या गळ्यात विरोधी पक्ष नेते पदाची माळ घातली. पाटील यांनी कळव्याच्या प्रभाग क्रमांक २३ (अ) मधून शिवसेनेच्या मार्शल साळवी यांचा पराभव केला होता.
महापालिकेच्या विरोधी पक्षनेतेपदी अखेर राष्ट्रवादी काँग्रेस पक्षाचे नगरसेवक मिलिंद पाटील यांची निवड करण्यात आली. बुधवारी रात्री पक्षश्रेष्ठींकडून पाटील यांच्या नावावर शिक्कामोर्तब करण्यात आले. त्यामुळे महापौरपदी महिला असल्याने विरोधी पक्षनेतेपदही महिलेलाच देण्यात यावे, ही पक्षाचे अध्यक्ष शरद पवार यांच्याकडे करण्यात आलेली मागणी या निर्णयामुळे मागे पडली. तसेच आ. जीतेंद्र आव्हाड गटाचे समर्थक म्हणून ओळखल्या जाणाऱ्या पाटील यांची विरोधी पक्ष नेतेपदी वर्णी लागल्याने आव्हाड गटाच्याच पारड्यात पक्षश्रेष्ठींनी झुकते माप दिल्याचे सिद्ध झाले आहे.
ठाण्यात शिवसेनेखालोखाल ३४ नगरसेवक निवडून आणण्याची किमया आ. जीतेंद्र आव्हाड यांनी साधली. त्यातच निवडून आलेल्या ३४ नगरसेवकांपैकी जवळपास ३० नगरसेवक हे आव्हाड यांचे कट्टर समर्थक असल्याने विरोधी पक्ष नेतेपद त्यापैकीच एकाला मिळेल, अशी चिन्हे आधीपासूनच होती. मात्र अचानक महिला नगरसेविकेला हे पद द्यावे, असा पत्रव्यवहार थेट पक्षाचे अध्यक्ष शरद पवार यांच्याकडे करण्यात आल्याचे वृत्त आल्याने या पदाच्या निवडीत ट्विस्ट निर्माण झाला होता. तसेच या पदासाठी राष्ट्रवादीचे नेते गणेश नाईक यांचे समर्थक असलेल्या कळव्यातील किणी कुटुंबातल्या प्रमिला किणी यांचे नाव या पदासाठी चर्चेत होते. त्याआधी पालिकेत आक्रमक विरोधीपक्ष नेता हवा असल्यास हणमंत जगदाळे किंवा नजीब मुल्ला या दोघांचीच नावे आघाडीवर होती. मात्र या सर्वांवर मात करत पक्षश्रेष्ठींनी पाटील यांच्या गळ्यात विरोधी पक्ष नेते पदाची माळ घातली. पाटील यांनी कळव्याच्या प्रभाग क्रमांक २३ (अ) मधून शिवसेनेच्या मार्शल साळवी यांचा पराभव केला होता.