म. टा. प्रतिनिधी, ठाणे
ठाणे जिल्ह्यातील माळशेज भागात असणारी नाणेघाट, वाल्हीवरे, सावर्णे, थितबी आदी ठिकाणी संपूर्ण सुविधांयुक्त पर्यटनस्थळे विकसित करणार असल्याचे जिल्हा प्रशासनाने स्पष्ट केले आहे. मागील वर्षाच्या डिसेंबर महिन्यात मुख्यमंत्री देवेंद्र फडणवीस यांनी शहापूर येथील कुणबी महोत्सवात ठाणे जिल्हा परिषदेने मुरबाड - शहापूर भागात उत्तम टुरिझम सर्किट तयार करावे, असे प्रतिपादन केले होते. त्या अनुषंगाने जिल्हा परिषदेचे नवे मुख्य कार्यकारी अधिकारी विवेक भीमनवार यांनी पाऊले उचलण्यास सुरुवात केली आहे.
भीमनवार यांनी शनिवारी या भागाचा दौरा करून जिल्ह्यातील साहसी ट्रेकिंग पॉइंटससाठी सुविधा उपलब्ध करून गावकऱ्यांच्या सहभागातून त्याचे योग्य व्यवस्थापन करण्याची योजना आखली आहे. या पर्यटनस्थळांचा विकास कोकण ग्रामीण पर्यटन विकास कार्यक्रमांतर्गत केला जाणार असून याठिकाणी प्रामुख्याने महिलांसाठी स्वच्छतागृहे, चेंजिंग रुम्स, तंबू, डॉरमेटरी, जोडरस्ते, अॅडव्हेंचर ट्रेकिंगसाठी सुविधा, माहिती केंद्र आदी आवश्यक सुविधा उभारण्याचे नियोजन जिल्हा प्रशासनाकडून करण्यात आले आहे.
या योजनांसाठी सुमारे साडेआठ कोटी रुपये निधी ग्रामविकास विभागाकडून उपलब्ध करण्यात आला आहे. पर्यटकांच्या आवश्यकतेनुसार योग्य सोयीसुविधा देण्यासाठी स्थानिक महिला बचत गट, ग्रामसंघ, युवक मंडळे आदी घटकांचा सहभाग घेऊन त्यांना या ठिकाणी स्थानिक वस्तू व उत्पादने विक्रीसाठी बचत गटांमार्फत स्टॉल्ससुद्धा उपलब्ध करून देणार असल्याचे भीमनवार यांनी स्पष्ट केले.
ठाणे जिल्ह्यातील माळशेज भागात असणारी नाणेघाट, वाल्हीवरे, सावर्णे, थितबी आदी ठिकाणी संपूर्ण सुविधांयुक्त पर्यटनस्थळे विकसित करणार असल्याचे जिल्हा प्रशासनाने स्पष्ट केले आहे. मागील वर्षाच्या डिसेंबर महिन्यात मुख्यमंत्री देवेंद्र फडणवीस यांनी शहापूर येथील कुणबी महोत्सवात ठाणे जिल्हा परिषदेने मुरबाड - शहापूर भागात उत्तम टुरिझम सर्किट तयार करावे, असे प्रतिपादन केले होते. त्या अनुषंगाने जिल्हा परिषदेचे नवे मुख्य कार्यकारी अधिकारी विवेक भीमनवार यांनी पाऊले उचलण्यास सुरुवात केली आहे.
भीमनवार यांनी शनिवारी या भागाचा दौरा करून जिल्ह्यातील साहसी ट्रेकिंग पॉइंटससाठी सुविधा उपलब्ध करून गावकऱ्यांच्या सहभागातून त्याचे योग्य व्यवस्थापन करण्याची योजना आखली आहे. या पर्यटनस्थळांचा विकास कोकण ग्रामीण पर्यटन विकास कार्यक्रमांतर्गत केला जाणार असून याठिकाणी प्रामुख्याने महिलांसाठी स्वच्छतागृहे, चेंजिंग रुम्स, तंबू, डॉरमेटरी, जोडरस्ते, अॅडव्हेंचर ट्रेकिंगसाठी सुविधा, माहिती केंद्र आदी आवश्यक सुविधा उभारण्याचे नियोजन जिल्हा प्रशासनाकडून करण्यात आले आहे.
या योजनांसाठी सुमारे साडेआठ कोटी रुपये निधी ग्रामविकास विभागाकडून उपलब्ध करण्यात आला आहे. पर्यटकांच्या आवश्यकतेनुसार योग्य सोयीसुविधा देण्यासाठी स्थानिक महिला बचत गट, ग्रामसंघ, युवक मंडळे आदी घटकांचा सहभाग घेऊन त्यांना या ठिकाणी स्थानिक वस्तू व उत्पादने विक्रीसाठी बचत गटांमार्फत स्टॉल्ससुद्धा उपलब्ध करून देणार असल्याचे भीमनवार यांनी स्पष्ट केले.