म. टा. वृत्तसेवा, कल्याण
भर रस्त्यात उभी असलेली गाडी बाजूला घेण्यास सांगितल्याने गाडीतील चौघांनी चक्क वाहतूक पोलिसाला चारचाकी गाडीत ओढत मारहाण केल्याची धक्कादायक घटना डोंबिवली पूर्वेकडील काटई नाका ते बदलापूर रोडदरम्यान घडली. याप्रकरणी मानपाडा पोलिस स्थानकात किरण पाटील, दिनेश म्हात्रे, पप्पू व त्याच्या साथीदाराविरोधात गुन्हा दाखल करण्यात आला आहे.
शहर वाहतूक विभाग कोळसेवाडी युनिटचे पोलिस नाईक पिंटू चोरमले व ट्राफिक वार्डन संतोष पवार हे मंगळवारी दुपारी एकच्या सुमारास बदलापूर रोडवर काटई नाका येथे वाहतूक नियोजन करत होते. यावेळी भर रस्त्यात उभ्या असलेल्या पिकअप गाडीच्या चालकाला पवार याने गाडी पुढे घेण्यास सांगितले. मात्र गाडी बाजूला घेण्याएवजी गाडीचालकाने खाली उतरून पवार यांना धक्काबुक्की करत त्यांच्याशी वाद घातला. त्यामुळे चोरमले यांनी चालकाला गाडी पुढे घेण्यास सांगितले. मात्र त्यामुळे संतापलेल्या चालकाने चोरमले यांनाही शिवीगाळ सुरू केली. एवढ्यावरच न थांबता चालकाच्या साथीदारांनी शेजारी उभ्या असलेल्या गाडीत चोरमले यांना ओढत ठोशा बुक्क्यांनी मारहाण केली. या प्रकरणी चोरमले यांनी मानपाडा पोलिस स्थानकात तक्रार नोंदवली असून आरोपींविरोधात गुन्हा दाखल करण्यात आला आहे. आरोपींचा शोध सुरू आहे.
भर रस्त्यात उभी असलेली गाडी बाजूला घेण्यास सांगितल्याने गाडीतील चौघांनी चक्क वाहतूक पोलिसाला चारचाकी गाडीत ओढत मारहाण केल्याची धक्कादायक घटना डोंबिवली पूर्वेकडील काटई नाका ते बदलापूर रोडदरम्यान घडली. याप्रकरणी मानपाडा पोलिस स्थानकात किरण पाटील, दिनेश म्हात्रे, पप्पू व त्याच्या साथीदाराविरोधात गुन्हा दाखल करण्यात आला आहे.
शहर वाहतूक विभाग कोळसेवाडी युनिटचे पोलिस नाईक पिंटू चोरमले व ट्राफिक वार्डन संतोष पवार हे मंगळवारी दुपारी एकच्या सुमारास बदलापूर रोडवर काटई नाका येथे वाहतूक नियोजन करत होते. यावेळी भर रस्त्यात उभ्या असलेल्या पिकअप गाडीच्या चालकाला पवार याने गाडी पुढे घेण्यास सांगितले. मात्र गाडी बाजूला घेण्याएवजी गाडीचालकाने खाली उतरून पवार यांना धक्काबुक्की करत त्यांच्याशी वाद घातला. त्यामुळे चोरमले यांनी चालकाला गाडी पुढे घेण्यास सांगितले. मात्र त्यामुळे संतापलेल्या चालकाने चोरमले यांनाही शिवीगाळ सुरू केली. एवढ्यावरच न थांबता चालकाच्या साथीदारांनी शेजारी उभ्या असलेल्या गाडीत चोरमले यांना ओढत ठोशा बुक्क्यांनी मारहाण केली. या प्रकरणी चोरमले यांनी मानपाडा पोलिस स्थानकात तक्रार नोंदवली असून आरोपींविरोधात गुन्हा दाखल करण्यात आला आहे. आरोपींचा शोध सुरू आहे.