म. टा. प्रतिनिधी, ठाणे
२८व्या ठाणे महापौर वर्षा मॅरेथॉनच्या नियोजनासाठी शहरातील वाहतुकीच्या प्रमुख मार्गांमध्ये रविवारी बदल करण्यात आले आहेत. सकाळच्या सत्रात मॅरेथॉन सुरू झाल्यानंतर वाहतुकीच्या मार्गात करण्यात येणारे बदल दुपारी ३ वाजेपर्यंत कायम ठेवले जाणार असल्याचे ठाणे वाहतूक शाखेने स्पष्ट केले आहे.
ठाणे महानगरपालिका व ठाणे जिल्हा अॅथलेटिक्स यांच्या संयुक्त विद्यमाने ठाणे महापौर वर्षा मॅरेथॉनचे आयोजन दरवर्षी करण्यात येते. यामध्ये स्पर्धेत धावपटूंना वाहनांचा व्यत्यय येऊ नये, म्हणून काही मुख्य मार्ग बंद ठेवण्यात आले आहेत. यामध्ये ठाणे पलिकेसमोरून मॅरेथॉनला हिरवा कंदील दाखवण्यात येणार असल्याने नितीन कंपनी सिग्नलकडून अल्मेडा चौककडे जाणाऱ्या व या दिशेने येणाऱ्या अशा दोन्ही मार्गांवरील वाहनांना प्रवेश बंद ठेवण्यात आला आहे. या वाहनांना कॅडबरी जंक्शन अथवा तीन हात नाक्याकडून तर अल्मेडा चौकातील वाहनांना एलबीएस रोडने खोपट नाका अथवा संत गजानन महाराज चौकाकडून राम मारुती रोडने पुढे जाता येणार आहे. नितीन सिग्नलवरून तीन हात नाक्याकडे सर्व्हिस रोडवरून जाणाऱ्या वाहनांना पूर्व द्रुतगती महामार्गाचा वापर, तर तीन हात नाक्याकडून हरी निवासमार्गे गोल्डन डाइज नाक्याकडे जाणाऱ्या वाहनांना प्रवेशबंदी असून त्यांना तीन हात नाक्याकडून मल्हार सिनेमागृहाकडून प्रवेश दिला जाणार आहे.
नवी मुंबईकडून कळवा चौकमार्गे ठाणे-सिडकोच्या दिशेने जाणाऱ्या एनएमएमटी व खासगी बसेसना विटावा नाका येथेच थांबवले जाणार असून या बसमधील प्रवाशांना विटावा नाक्याजवळ उतरवून माघारी फिरणार आहेत.
या मार्गांवर प्रवेशबंदी...
दगडी शाळेकडून सेंट जॉन हायस्कूल, चिंतामणी ज्वेलर्सकडून मालतीबाई चिटणीस रुग्णालय, एलबीएस रोडने आराधना सिनेमागृहाकडे जाणारी वाहतूक बंद, शिवाईनगर व उपवनकडून नीळकंठ हाइट्समार्गे कापूरबावडीच्या दिशेने जाणारी वाहतूक एकमार्गी करण्यात आली आहे.
२८व्या ठाणे महापौर वर्षा मॅरेथॉनच्या नियोजनासाठी शहरातील वाहतुकीच्या प्रमुख मार्गांमध्ये रविवारी बदल करण्यात आले आहेत. सकाळच्या सत्रात मॅरेथॉन सुरू झाल्यानंतर वाहतुकीच्या मार्गात करण्यात येणारे बदल दुपारी ३ वाजेपर्यंत कायम ठेवले जाणार असल्याचे ठाणे वाहतूक शाखेने स्पष्ट केले आहे.
ठाणे महानगरपालिका व ठाणे जिल्हा अॅथलेटिक्स यांच्या संयुक्त विद्यमाने ठाणे महापौर वर्षा मॅरेथॉनचे आयोजन दरवर्षी करण्यात येते. यामध्ये स्पर्धेत धावपटूंना वाहनांचा व्यत्यय येऊ नये, म्हणून काही मुख्य मार्ग बंद ठेवण्यात आले आहेत. यामध्ये ठाणे पलिकेसमोरून मॅरेथॉनला हिरवा कंदील दाखवण्यात येणार असल्याने नितीन कंपनी सिग्नलकडून अल्मेडा चौककडे जाणाऱ्या व या दिशेने येणाऱ्या अशा दोन्ही मार्गांवरील वाहनांना प्रवेश बंद ठेवण्यात आला आहे. या वाहनांना कॅडबरी जंक्शन अथवा तीन हात नाक्याकडून तर अल्मेडा चौकातील वाहनांना एलबीएस रोडने खोपट नाका अथवा संत गजानन महाराज चौकाकडून राम मारुती रोडने पुढे जाता येणार आहे. नितीन सिग्नलवरून तीन हात नाक्याकडे सर्व्हिस रोडवरून जाणाऱ्या वाहनांना पूर्व द्रुतगती महामार्गाचा वापर, तर तीन हात नाक्याकडून हरी निवासमार्गे गोल्डन डाइज नाक्याकडे जाणाऱ्या वाहनांना प्रवेशबंदी असून त्यांना तीन हात नाक्याकडून मल्हार सिनेमागृहाकडून प्रवेश दिला जाणार आहे.
नवी मुंबईकडून कळवा चौकमार्गे ठाणे-सिडकोच्या दिशेने जाणाऱ्या एनएमएमटी व खासगी बसेसना विटावा नाका येथेच थांबवले जाणार असून या बसमधील प्रवाशांना विटावा नाक्याजवळ उतरवून माघारी फिरणार आहेत.
या मार्गांवर प्रवेशबंदी...
दगडी शाळेकडून सेंट जॉन हायस्कूल, चिंतामणी ज्वेलर्सकडून मालतीबाई चिटणीस रुग्णालय, एलबीएस रोडने आराधना सिनेमागृहाकडे जाणारी वाहतूक बंद, शिवाईनगर व उपवनकडून नीळकंठ हाइट्समार्गे कापूरबावडीच्या दिशेने जाणारी वाहतूक एकमार्गी करण्यात आली आहे.