ठाणे : कोइंबतुर-कुर्ला रेल्वेतून वन्यजीवांची वाहतूक होत असल्याच्या माहिती आधारे वनविभागाकडून ठाणे रेल्वे स्थानकात सापळा रचण्यात आला होता. स्टार कासव आणि वन्य कायद्यानुसार संरक्षित असलेले चार पक्ष्यांची तस्करी करणारा मोहम्मद खलील रियाज अहमद उर्फ जायद खान (२४) हा तरुण यामध्ये सापडला. ससाणा, घार, शिक्रा, हुमा घुबड हे वन्यजीव हस्तगत करण्यात आले. मंगळवारी कोइंबतुर-एलटीटी कुर्ला स्थानकात जाणाऱ्या गाड्यीच्या एस १ या बोगीमध्ये एक संशयित विक्रेता असल्याची माहिती वनविभागाला मिळाली होती. त्यानुसार ठाणे रेल्वे स्थानकात सापळा रचण्यात आला होता. त्यावेळी ससाणा, घार, शिक्रा आणि हुमा घुबड असे पक्षी आणि स्टार कासव घेऊन जाताना मोहम्मद सापडला.
एक्स्प्रेसमधून वन्यजीवांची तस्करी
कोइंबतुर-कुर्ला रेल्वेतून वन्यजीवांची वाहतूक होत असल्याच्या माहिती आधारे वनविभागाकडून ठाणे रेल्वे स्थानकात सापळा रचण्यात आला होता...
महाराष्ट्र टाइम्स.कॉम 11 Dec 2019, 4:00 am