म. टा. वृत्तसेवा, वसई
नालासोपारा पूर्वेला तुळींज येथील जिल्हा परिषद शाळेची संरक्षक भिंत कोसळल्याची घटना रविवारी सायंकाळी घडली. यात या परिसरात राहणारी चार वर्षांची मुलगी जखमी झाली असून तिला मुंबईतील रुग्णालयामध्ये दाखल करण्यात आले आहे.
तुळींज येथे जिल्हा परिषदेची शाळा आहे. या शाळेची संरक्षक भिंत रविवारी सायंकाळी कोसळली. यात या परिसरात राहणारी आदिती ठाकूर ही मुलगी जखमी झाली. ती या परिसरातच राहते. घटना घडल्यानंतर परिसरातील रहिवासी धावून आले. तिला आधी जवळच्या सरकारी दवाखान्यात नेण्यात आले. तिथे या जखमी मुलीच्या डोक्याला, पायाला, हाताला लागले असल्याने तिला मुंबईतील सरकारी रुग्णालयामध्ये नेण्यात आले आहे. या मुलीला जबर जखमा झाल्या असून शेजारच्या एका व्यक्तीला किरकोळ जखम झाली आहे.
या शाळेची संरक्षक भिंत जवळपास ३० वर्षे जुनी आहे. शेजारच्या कामाची माती या भिंतीला लागून ठेवण्यात आली होती. त्याचा भार आल्याने ही भिंत कोसळल्याचा अंदाज व्यक्त करण्यात आला. भिंत कोसळल्याने शेजारच्या चाळीतील एका रूमचे नुकसान झाले. त्या रूमचे पत्रे, दरवाजा यांचे नुकसान झाल्याची माहिती पालिका फायर ब्रिगेड जवानांनी दिली. रविवार असल्याने शाळा बंदच होती.
नालासोपारा पूर्वेला तुळींज येथील जिल्हा परिषद शाळेची संरक्षक भिंत कोसळल्याची घटना रविवारी सायंकाळी घडली. यात या परिसरात राहणारी चार वर्षांची मुलगी जखमी झाली असून तिला मुंबईतील रुग्णालयामध्ये दाखल करण्यात आले आहे.
तुळींज येथे जिल्हा परिषदेची शाळा आहे. या शाळेची संरक्षक भिंत रविवारी सायंकाळी कोसळली. यात या परिसरात राहणारी आदिती ठाकूर ही मुलगी जखमी झाली. ती या परिसरातच राहते. घटना घडल्यानंतर परिसरातील रहिवासी धावून आले. तिला आधी जवळच्या सरकारी दवाखान्यात नेण्यात आले. तिथे या जखमी मुलीच्या डोक्याला, पायाला, हाताला लागले असल्याने तिला मुंबईतील सरकारी रुग्णालयामध्ये नेण्यात आले आहे. या मुलीला जबर जखमा झाल्या असून शेजारच्या एका व्यक्तीला किरकोळ जखम झाली आहे.
या शाळेची संरक्षक भिंत जवळपास ३० वर्षे जुनी आहे. शेजारच्या कामाची माती या भिंतीला लागून ठेवण्यात आली होती. त्याचा भार आल्याने ही भिंत कोसळल्याचा अंदाज व्यक्त करण्यात आला. भिंत कोसळल्याने शेजारच्या चाळीतील एका रूमचे नुकसान झाले. त्या रूमचे पत्रे, दरवाजा यांचे नुकसान झाल्याची माहिती पालिका फायर ब्रिगेड जवानांनी दिली. रविवार असल्याने शाळा बंदच होती.