म. टा. वृत्तसेवा, नवी मुंबई: घणसोली भागात राहणाऱ्या एका १२ वर्षीय मुलीवर त्याच भागात रहाणाऱ्या दोघा सख्ख्या भावांनी अत्याचार केल्याची धक्कादायक घटना उघडकीस आली आहे. गेल्या दीड महिन्यांपासून या दोघा भावांकडून पीडित मुलीवर लैंगिक अत्याचार सुरू असल्याचे तपासात निष्पन्न झाले. त्यानुसार पोलिसांनी २४ वर्षीय मोठ्या भावावर बलात्कारासह धमकावणे व पोक्सो कलमान्वये, तर त्याच्या १७ वर्षीय लहान भावावर विनयभंगाचा गुन्हा दाखल केला आहे. यातील २४ वर्षीय तरुणाला अटक करण्यात आली असून अल्पवयीन आरोपीला ताब्यात घेऊन पुढील कार्यवाही सुरू केली आहे.
या घटनेतील पीडित मुलगी व दोन्ही आरोपी घणसोली परिसरात राहत असून एकमेकांच्या ओळखीचे आहेत. पीडित मुलगी १० नोव्हेंबर रोजी नेहमीप्रमाणे क्लासला जात असताना, दोन आरोपींपैकी मोठ्या भावाने तिला बळजबरीने आपल्या घरामध्ये नेऊन तिच्यावर बलात्कार केला. याबाबत कुणाला सांगू नये, अशी धमकीही दिली. त्यानंतर त्याने दुसऱ्यांदाही तिला घरात नेऊन तिच्यावर बलात्कार केला. त्याच्या लहान भावानेही तिच्यावर अत्याचार केला. अखेर पीडितेने आपल्या आईला घडल्या प्रकाराची माहिती दिल्यानंतर तिने मंगळवारी रात्री रबाळे पोलिस ठाणे गाठून तक्रार दाखल केली. त्यानुसार पोलिसांनी मोठ्या भावावर बलात्कारासह धमकावणे व पोक्सो कलमान्वये, तर लहान भावावर विनयभंगाचा गुन्हा दाखल करून दोघांना मंगळवारी रात्रीच ताब्यात घेतले. रात्री उशिरा मोठ्या भावाला अटक केली. बुधवारी न्यायालयात त्याला ३० डिसेंबरपर्यंत पोलिस कोठडी सुनावल्याची माहिती सहाय्यक पोलिस निरीक्षक निंबाळकर यांनी दिली. अल्पवयीन आरोपीला बाल न्यायालयात हजर करण्याची प्रक्रिया सुरू आहे.
या घटनेतील पीडित मुलगी व दोन्ही आरोपी घणसोली परिसरात राहत असून एकमेकांच्या ओळखीचे आहेत. पीडित मुलगी १० नोव्हेंबर रोजी नेहमीप्रमाणे क्लासला जात असताना, दोन आरोपींपैकी मोठ्या भावाने तिला बळजबरीने आपल्या घरामध्ये नेऊन तिच्यावर बलात्कार केला. याबाबत कुणाला सांगू नये, अशी धमकीही दिली. त्यानंतर त्याने दुसऱ्यांदाही तिला घरात नेऊन तिच्यावर बलात्कार केला. त्याच्या लहान भावानेही तिच्यावर अत्याचार केला. अखेर पीडितेने आपल्या आईला घडल्या प्रकाराची माहिती दिल्यानंतर तिने मंगळवारी रात्री रबाळे पोलिस ठाणे गाठून तक्रार दाखल केली. त्यानुसार पोलिसांनी मोठ्या भावावर बलात्कारासह धमकावणे व पोक्सो कलमान्वये, तर लहान भावावर विनयभंगाचा गुन्हा दाखल करून दोघांना मंगळवारी रात्रीच ताब्यात घेतले. रात्री उशिरा मोठ्या भावाला अटक केली. बुधवारी न्यायालयात त्याला ३० डिसेंबरपर्यंत पोलिस कोठडी सुनावल्याची माहिती सहाय्यक पोलिस निरीक्षक निंबाळकर यांनी दिली. अल्पवयीन आरोपीला बाल न्यायालयात हजर करण्याची प्रक्रिया सुरू आहे.