पालघर:
राजकीय आरोप-प्रत्यारोपांनी सुरू झालेला पालघर लोकसभा पोटनिवडणुकीचा प्रचार आता वैयक्तिक पातळीपर्यंत आला आहे. मुख्यमंत्री देवेंद्र फडणवीस कार्यकर्त्यांना पालघरची निवडणूक जिंकण्यासाठी साम, दाम, दंड, भेदाचा वापर करण्याची सूचना देत असल्याची एक कथित ऑडिओ क्लीप शिवसेना पक्षप्रमुख उद्धव ठाकरे यांनी जारी करून खळबळ उडवून दिली आहे. तर या क्लीपशी छेडछाड करण्यात आल्याचं सांगत शिवसेनेविरोधात निवडणूक आयोगाकडं तक्रार करणार असल्याचं भाजपनं म्हटलं आहे.
पालघरमध्ये उद्धव ठाकरे यांची आज जाहीर सभा होती. या भरसभेतच उद्धव यांनी मुख्यमंत्र्यांची कथित ऑडिओ क्लीप मतदारांना ऐकवली. या क्लीपमधील संभाषण फडणवीस यांचे असून ते शिवसेनेविरोधात कार्यकर्त्यांना सूचना देत असल्याचा दावा उद्धव यांनी केला आहे. या ऑडिओ क्लीपची दखल घेऊन निवडणूक आयोगाने कारवाई करावी, अशी मागणी उद्धव यांनी केली आहे. तर मुख्यमंत्र्यांनी अशा प्रकारची भाषा वापरणं हे त्यांना शोभणारं नाही. हे त्यांच्या पदाला काळीमा फासण्यासारखं आहे, असं शिवसेनेचे खासदार संजय राऊत यांनी म्हटलं आहे.
काय आहे क्लीपमध्ये...
'पालघरमध्ये आपल्या अस्तित्वाला जर कोणी त्या ठिकाणी आव्हान देत असेल आणि आपल्याशी विश्वासघात करत असेल, एखादा पक्ष आपला मित्र म्हणता म्हणता... आपल्या पाठीत खंजीर खुपसत असेल, तर त्यांना धडा शिकवा. आपण आता शांत बसता कामा नये. आपणही मोठा अटॅक करून त्यांना भाजप काय आहे हे दाखवून दिलं पाहिजे. ही निवडणूक जिंकायची असेल तर जशास तसे उत्तर द्या. साम, दाम, दंड, भेदाने उत्तर द्या. कुणाचीही दादागिरी खपवून घेऊ नका. उलट त्यांच्यावर दादागिरी करा. त्यांच्या 'अरे' ला 'कारे' करा, मी तुमच्या पाठिशी आहे,' अशा सूचना फडणवीस या कथित क्लीपमधून देत असल्याचं ऐकू येतं.
शिवसेना सैरभैर
पालघर पोटनिवडणुकीत पराभव दिसू लागल्याने शिवसेना सैरभैर झाली आहे. त्यामुळे एडिट केलेली कथित क्लीप दाखवून मतदारांमध्ये संभ्रम निर्माण केला जात आहे. तंत्रज्ञानाचा हा निषेधार्ह गैरवापर असून या क्लीप विरोधात निवडणूक आयोगाकडे उद्या तक्रार करण्यात येणार असल्याचं भाजपचे प्रवक्ते माधव भंडारी यांनी स्पष्ट केलं.
राजकीय आरोप-प्रत्यारोपांनी सुरू झालेला पालघर लोकसभा पोटनिवडणुकीचा प्रचार आता वैयक्तिक पातळीपर्यंत आला आहे. मुख्यमंत्री देवेंद्र फडणवीस कार्यकर्त्यांना पालघरची निवडणूक जिंकण्यासाठी साम, दाम, दंड, भेदाचा वापर करण्याची सूचना देत असल्याची एक कथित ऑडिओ क्लीप शिवसेना पक्षप्रमुख उद्धव ठाकरे यांनी जारी करून खळबळ उडवून दिली आहे. तर या क्लीपशी छेडछाड करण्यात आल्याचं सांगत शिवसेनेविरोधात निवडणूक आयोगाकडं तक्रार करणार असल्याचं भाजपनं म्हटलं आहे.
पालघरमध्ये उद्धव ठाकरे यांची आज जाहीर सभा होती. या भरसभेतच उद्धव यांनी मुख्यमंत्र्यांची कथित ऑडिओ क्लीप मतदारांना ऐकवली. या क्लीपमधील संभाषण फडणवीस यांचे असून ते शिवसेनेविरोधात कार्यकर्त्यांना सूचना देत असल्याचा दावा उद्धव यांनी केला आहे. या ऑडिओ क्लीपची दखल घेऊन निवडणूक आयोगाने कारवाई करावी, अशी मागणी उद्धव यांनी केली आहे. तर मुख्यमंत्र्यांनी अशा प्रकारची भाषा वापरणं हे त्यांना शोभणारं नाही. हे त्यांच्या पदाला काळीमा फासण्यासारखं आहे, असं शिवसेनेचे खासदार संजय राऊत यांनी म्हटलं आहे.
काय आहे क्लीपमध्ये...
'पालघरमध्ये आपल्या अस्तित्वाला जर कोणी त्या ठिकाणी आव्हान देत असेल आणि आपल्याशी विश्वासघात करत असेल, एखादा पक्ष आपला मित्र म्हणता म्हणता... आपल्या पाठीत खंजीर खुपसत असेल, तर त्यांना धडा शिकवा. आपण आता शांत बसता कामा नये. आपणही मोठा अटॅक करून त्यांना भाजप काय आहे हे दाखवून दिलं पाहिजे. ही निवडणूक जिंकायची असेल तर जशास तसे उत्तर द्या. साम, दाम, दंड, भेदाने उत्तर द्या. कुणाचीही दादागिरी खपवून घेऊ नका. उलट त्यांच्यावर दादागिरी करा. त्यांच्या 'अरे' ला 'कारे' करा, मी तुमच्या पाठिशी आहे,' अशा सूचना फडणवीस या कथित क्लीपमधून देत असल्याचं ऐकू येतं.
शिवसेना सैरभैर
पालघर पोटनिवडणुकीत पराभव दिसू लागल्याने शिवसेना सैरभैर झाली आहे. त्यामुळे एडिट केलेली कथित क्लीप दाखवून मतदारांमध्ये संभ्रम निर्माण केला जात आहे. तंत्रज्ञानाचा हा निषेधार्ह गैरवापर असून या क्लीप विरोधात निवडणूक आयोगाकडे उद्या तक्रार करण्यात येणार असल्याचं भाजपचे प्रवक्ते माधव भंडारी यांनी स्पष्ट केलं.