वडापाव विक्रेत्याला जिवंत जाळण्याचा प्रयत्न

मटा ऑनलाइन वृत्त । उल्हासनगर

उल्हासनगर येथे एका वडापाव विक्रेत्याला जिवंत जाळून मारण्याचा प्रयत्न झाल्याची घटना उघडकीस आली आहे. जखमीला सेंट्रल रुग्णालयात दाखल करण्यात आलं असून त्याच्यावर उपचार सुरू आहेत.

उल्हासनगर रेल्वे स्थानकाच्या पूर्वेकडील देवानंद फोटो स्टुडिओसमोर मुंबई महालक्ष्मी वडापावचं दुकान आहे. या दुकानासमोर आजपासून आणखी एक व्यक्ती वडापावची गाडी सुरू करणार होता. त्याला महालक्ष्मी वडापाव दुकान मालकानं विरोध केला. त्यातून दोघांमध्ये वाद झाला. रागाच्या भरात समोरच्या व्यक्तीने महालक्ष्मी वडापाव दुकानात शिरून दुकानदाराला जिवंत जाळले. यात तो ९० टक्के भाजला असून त्याला सेंट्रल रुग्णालयात भरती करण्यात आलं आहे. या प्रकरणी पोलिसांनी गुन्हा दाखल केला असून अधिक चौकशी सुरू आहे.