अ‍ॅपशहर

नृत्याचा व्हिडीओ कार्यकर्त्यांना भोवला

भाजपच्या मीरारोड येथील कार्यालयात पक्षाचे कार्यकर्ते नाचत असतानाचा व्हिडीओ सोशल मीडियावर व्हायरल झाल्याने राजकीय वर्तुळात हा चर्चेचा विषय बनला आहे.

Maharashtra Times 17 Feb 2017, 4:01 am
मिरारोडमधील ८ भाजप पदाधिकाऱ्यांचे राजीनामे
महाराष्ट्र टाइम्स.कॉम vasai bjp activist dance vedio viral
नृत्याचा व्हिडीओ कार्यकर्त्यांना भोवला


म. टा. वृत्तसेवा, भाईंदर

भाजपच्या मीरारोड येथील कार्यालयात पक्षाचे कार्यकर्ते नाचत असतानाचा व्हिडीओ सोशल मीडियावर व्हायरल झाल्याने राजकीय वर्तुळात हा चर्चेचा विषय बनला आहे.

मीरारोड येथील एका महिला पदाधिकाऱ्याच्या वाढदिवसाचे सेलिब्रेशन करताना ‘आज कल तेरे मरे प्यार के चर्चे हर जबानपर’ या गाण्यावर भाजपचे महिला-पुरुष पदाधिकारी, कार्यकर्ते नाचताना व्हिडिओत दिसते. ‘भाजपची व्हलेंन्टाइन मस्ती’ या नावाने हा व्हिडीओ सोशल मीडियावर पाठवला जात होता. मीरारोडच्या कनकिया परिसरात भैरव रेसिडेन्सीमध्ये भाजपचे कनकिया मंडळाचे कार्यालय आहे. व्हायरल झालेला व्हिडिओ हा त्याच कार्यालयातील आहे.

हा व्हिडीओ व्हायरल झाल्यानंतर भाजपने संपूर्ण कनकिया मंडळ बरखास्त केले आहे. अध्यक्ष संजय थेराडे व इतर पदाधिकारी अशा ८ पदाधिकाऱ्यांचे राजीनामे घेतले आहेत. त्यांच्यावर शिस्तभंगाची कारवाई करण्यात आली असून अशी बेशिस्त खपवून घेतली जाणार नाही, असे भाजप जिल्हाध्यक्ष हेमंत म्हात्रे यांनी सांगितले. तर ‘भाजपा कार्यालयात कार्यकर्त्यांना एकत्र आणण्यासाठी वाढदिवस साजरे केले जातात. त्या पदाधिकाऱ्यांवर शिस्तभंगाची कारवाई करण्यात आली आहे.’ असे भाजप आमदार नरेंद्र मेहता यांनी सांगितले.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज