'महाराष्ट्र टाइम्स कल्चर क्लब'ची कार्यशाळा
म. टा. प्रतिनिधी, ठाणे
इटालियन फूड म्हणजे बच्चे कंपनी आणि मोठ्यांना मेजवानी. पण सतत बाहेर जाऊन हे पदार्थ खाल्ले तर त्रास होण्याची शक्यता असते. पण घरीच हे पदार्थ करता आले तर? 'महाराष्ट्र टाइम्स कल्चर क्लब'च्या वतीने ही संधी देण्यात येणार आहे.
कल्चर क्लबच्या वतीने ठाण्यात पास्ता शिकवणारी कार्यशाळा आयोजित करण्यात आली आहे. २३ फेब्रुवारीला ही कार्यशाळा पार पडणार असून ११.३० ते १.३० या वेळात ती होईल. आई हॉल, नौपाडा येथे ही कार्यशाळा पार पडणार आहे.
या कार्यशाळेत पल्लवी नेने मार्गदर्शन करणार असून घरच्या घरी पास्ताचे वेगवेगळे प्रकार कसे तयार करावेत, काय गोष्टी लक्षात ठेवाव्यात याचे धडे यात देण्यात येणार आहेत. पास्ता कसा तयार करावा, व्हाइट सॉस पास्ता, रेड सॉस पास्ता, गुलाबी पास्ता कसा तयार करावा, चीज पास्ता करताना कोणती काळजी घ्यावी तसेच सॉस कसे साठवावेत, याचे धडे या कार्यशाळेत दिले जाणार आहेत. यम्मी पास्ताचा सोपा फंडा यात शिकायला मिळणार आहे.
या कार्यशाळेमध्ये सहभागी होण्यासाठी प्रवेश मर्यादित असून नोंदणी आवश्यक आहे. कार्यशाळेत सहभागी होण्यासाठी कल्चर क्लब सदस्यांना ३०० रुपये शुल्क भरावे लागणार आहे तर सदस्य नसलेल्यांना ५०० रुपये शुल्क भरावे लागेल. ९१६७७११६४९ या क्रमांकावर नोंदणी करता येणार आहे. ही संधी चुकवू नका. आजच नोंदणी करा.