म. टा. प्रतिनिधी, ठाणे: ठाणे रेल्वे स्थानकातील कॅन्टिन चालकाचा कर्मचारी कचऱ्याच्या डब्यात चहाचे कप धुवत असल्याच्या व्हिडीओ क्लिप सोशल मीडियावर व्हायरल झाल्यानंतर याची गंभीर दखल रेल्वे प्रशासनाकडून घेण्यात आली आहे. या प्रकरणाची चौकशी करून प्रशासनाकडून संबंधित कॅन्टिन चालकास १ लाखाचा दंड करण्यात आल्याचे स्पष्ट करण्यात आले आहे. प्लॅटफॉर्म क्रमांक सहावर हा प्रकार घडल्याचे समोर आले आहे. कचरा डबा स्वच्छ धुवून त्यानंतर त्यात कप धुतले जात असल्याची सारवासारव कॅन्टिन चालकाकडून करण्यात आली. परंतु त्याच्या चुकांची गंभीर दखल घेऊन या प्रकरणी रेल्वेच्या वाणिज्य विभागाकडून संबंधित कॅन्टिन चालकावर दंडात्मक कारवाई करण्यात आली आहे. काही दिवसांपूर्वी कुर्ला स्थानकावरील लिंबू सरबत विक्रेत्याचा व्हिडीओ व्हायरल झाल्यानंतर रेल्वे स्थानकातील लिंबू सरबत विक्रीवर बंदी घालण्यात आली होती. तसेच संबंधित कॅन्टिन चालकावरही दंडात्मक कारवाई करण्यात आली होती.
कचऱ्याच्या डब्यात चहाचे कप धुणे भोवले
ठाणे रेल्वे स्थानकातील कॅन्टिन चालकाचा कर्मचारी कचऱ्याच्या डब्यात चहाचे कप धुवत असल्याच्या व्हिडीओ क्लिप सोशल मीडियावर व्हायरल झाल्यानंतर याची गंभीर दखल रेल्वे प्रशासनाकडून घेण्यात आली आहे.
Maharashtra Times 23 Dec 2019, 6:31 am