नवनिर्वाचित केडीएमसी आयुक्त पी. वेलारसू यांचे आश्वासन
म. टा. वृत्तसेवा, कल्याण
कल्याण-डोंबिवली महापालिकेत विकासाच्या दृष्टीने काम करण्यास भरपूर संधी आहे. नागरिकांना जास्तीत जास्त चांगली सेवा देणे महत्त्वाचे आहे. त्यातच सरकारच्या खर्चाने सामाजिक धोरणावरील अद्ययावत प्रशिक्षण अमेरिकेतील सॅन फ्रान्सिस्को शहरात घेतल्यामुळे या तंत्रज्ञानाचा जास्तीत जास्त वापर करून नागरिकांना अद्ययावत सेवा पुरवण्यावर भर देणार असल्याचे नवनिर्वाचित पालिका आयुक्त पी. वेलरासू यांनी सांगितले. वेलरासू यांनी गुरुवारी कल्याण-डोंबिवली महापालिका आयुक्त म्हणून पदभार स्वीकारला.
कल्याण-डोंबिवली महापालिकेचे आयुक्त ई. रवीन्द्रन यांची नवी मुंबईमधील कौशल्य विकास व उद्योजकता विभागात बदली केल्यानंतर त्यांच्या जागी राज्यपालांचे उपसचिव परिमल सिंह यांची नियुक्ती करण्यात आली होती. मात्र त्यांनी पदभार स्वीकारण्यास नकार दिल्यामुळे ई. रवीन्द्रन यांनीदेखील पदभार सोडला नव्हता. यामुळे पालिकेचे नवे आयुक्त कोण? या चर्चेला उधाण आले होते. अखेर नगरविकास विभागाने मागील आठवड्यात अमेरिकेहून प्रशिक्षण घेऊन परतलेल्या पी. वेलारसू यांना बुधवारी कल्याण-डोंबिवली महापालिकेचे आयुक्त म्हणून पदभार स्वीकारण्याचे आदेश दिले होते. वेलारसू यांनी ई. रवीन्द्रन यांच्याकडून पदभार स्वीकारला. ते २००२च्या आयएएस बॅचचे आहेत.
‘जिल्हा परिषद मुख्याधिकारी आणि नाशिक व ठाणे जिल्हाधिकारी म्हणून काम करण्याचा अनुभव असला तरी महापालिका आयुक्त म्हणून काम करण्याचा हा पहिलाच अनुभव असून या ठिकाणी काम करण्यास संधी आहे. हाताखालच्या अधिकाऱ्यांबरोबरच लोकप्रतिनिधींना विश्वासात घेऊन विकासकामे मार्गी लावण्याचे तसेच स्मार्ट सिटी प्रकल्पातून पुढील दोन वर्षांत सरकारकडून येणाऱ्या निधीचा योग्य प्रकारे विनियोग करण्यावर आपला भर असेल’, असे वेलरासू यांनी पत्रकारांना सांगितले. तसेच, महापालिकेचे कामकाज समजून घेण्यासाठी आपल्याला काही वेळ लागेल, मात्र कोणताही पूर्वग्रह ठेऊन आपण काम करणार नसल्याचे त्यांनी स्पष्ट केले.
घनकचरा, अनधिकृत बांधकाम, रस्ते रुंदीकरण यासह शहरात आवश्यक त्या विकासकामांसाठी भेडसावणाऱ्या आर्थिक समस्याशी सांगड घालण्यासह पालिकेतील अधिकाऱ्यांच्या अंतर्गत वादातून आयुक्त कसे मार्गक्रमण करतात, हे पाहणे महत्त्वाचे ठरणार आहे.
म. टा. वृत्तसेवा, कल्याण
कल्याण-डोंबिवली महापालिकेत विकासाच्या दृष्टीने काम करण्यास भरपूर संधी आहे. नागरिकांना जास्तीत जास्त चांगली सेवा देणे महत्त्वाचे आहे. त्यातच सरकारच्या खर्चाने सामाजिक धोरणावरील अद्ययावत प्रशिक्षण अमेरिकेतील सॅन फ्रान्सिस्को शहरात घेतल्यामुळे या तंत्रज्ञानाचा जास्तीत जास्त वापर करून नागरिकांना अद्ययावत सेवा पुरवण्यावर भर देणार असल्याचे नवनिर्वाचित पालिका आयुक्त पी. वेलरासू यांनी सांगितले. वेलरासू यांनी गुरुवारी कल्याण-डोंबिवली महापालिका आयुक्त म्हणून पदभार स्वीकारला.
कल्याण-डोंबिवली महापालिकेचे आयुक्त ई. रवीन्द्रन यांची नवी मुंबईमधील कौशल्य विकास व उद्योजकता विभागात बदली केल्यानंतर त्यांच्या जागी राज्यपालांचे उपसचिव परिमल सिंह यांची नियुक्ती करण्यात आली होती. मात्र त्यांनी पदभार स्वीकारण्यास नकार दिल्यामुळे ई. रवीन्द्रन यांनीदेखील पदभार सोडला नव्हता. यामुळे पालिकेचे नवे आयुक्त कोण? या चर्चेला उधाण आले होते. अखेर नगरविकास विभागाने मागील आठवड्यात अमेरिकेहून प्रशिक्षण घेऊन परतलेल्या पी. वेलारसू यांना बुधवारी कल्याण-डोंबिवली महापालिकेचे आयुक्त म्हणून पदभार स्वीकारण्याचे आदेश दिले होते. वेलारसू यांनी ई. रवीन्द्रन यांच्याकडून पदभार स्वीकारला. ते २००२च्या आयएएस बॅचचे आहेत.
‘जिल्हा परिषद मुख्याधिकारी आणि नाशिक व ठाणे जिल्हाधिकारी म्हणून काम करण्याचा अनुभव असला तरी महापालिका आयुक्त म्हणून काम करण्याचा हा पहिलाच अनुभव असून या ठिकाणी काम करण्यास संधी आहे. हाताखालच्या अधिकाऱ्यांबरोबरच लोकप्रतिनिधींना विश्वासात घेऊन विकासकामे मार्गी लावण्याचे तसेच स्मार्ट सिटी प्रकल्पातून पुढील दोन वर्षांत सरकारकडून येणाऱ्या निधीचा योग्य प्रकारे विनियोग करण्यावर आपला भर असेल’, असे वेलरासू यांनी पत्रकारांना सांगितले. तसेच, महापालिकेचे कामकाज समजून घेण्यासाठी आपल्याला काही वेळ लागेल, मात्र कोणताही पूर्वग्रह ठेऊन आपण काम करणार नसल्याचे त्यांनी स्पष्ट केले.
घनकचरा, अनधिकृत बांधकाम, रस्ते रुंदीकरण यासह शहरात आवश्यक त्या विकासकामांसाठी भेडसावणाऱ्या आर्थिक समस्याशी सांगड घालण्यासह पालिकेतील अधिकाऱ्यांच्या अंतर्गत वादातून आयुक्त कसे मार्गक्रमण करतात, हे पाहणे महत्त्वाचे ठरणार आहे.