म. टा. वृत्तसेवा, कल्याण
ठाकुर्ली रेल्वे स्टेशनमधील अरुंद प्लॅटफॉर्मची रुंदी वाढवण्यात आली आहे. परंतु रेल्वे रुळाचा अडसर असल्यामुळे या प्लॅटफॉर्मचा वापर करता येत नव्हता. अखेर ३५० मीटर लांबीचा रेल्वे रुळ बदलण्याच्या कामाला मुहूर्त मिळाला. त्यासाठी रविवारी मेगाब्लॉक घेण्यात येणार आहे. सकाळी १० ते संध्याकाळी ६ वाजेपर्यंत हे काम करण्यात येणार आहे. संध्याकाळी साडेसहा वाजता पहिली लोकल कल्याणकडे नव्या प्लॅटफॉर्मवरून धावेल, असे रेल्वे प्रशासनाने जाहीर केले.
कल्याण आणि डोंबिवली दरम्यानच्या ठाकुर्ली स्टेशनवरील प्रवाशांची संख्या दिवसेंदिवस वाढत आहे. या स्टेशनमध्ये असलेला एकमेव प्लॅटफॉर्म कल्याण बाजूच्या दिशेने अतिशय अरुंद असल्यामुळे एकाच वेळी दोन्ही दिशेकडून लोकल आल्यास प्रवाशांची गर्दी होण्याबरोबरच अपघातांची संख्या वाढली होती. यामुळे या प्लॅटफॉर्मची रुंदी वाढवण्याची मागणी केली जात होती. अखेर सिग्नल हाऊसची जागा बदलल्यानंतर रेल्वे प्रशासनाने ठाकुर्ली स्टेशनमधील प्लॅटफॉर्मची रुंदी वाढवण्याबरोबरच मुंबईकडून येणाऱ्या मार्गावर दोन्ही
बाजूंनी प्रवाशांना उतरण्याची व्यवस्था करण्यासाठी नव्याने प्लॅटफॉर्म बांधण्यात आला. मुंबई रेल कॉर्पोरेशनतर्फे हे काम करण्यात आले. या ठिकाणी प्लॅटफॉर्मबरोबरच उड्डाणपूल, नवे तिकीट कार्यालयाचे कामही करण्यात आले. उड्डाणपुलाचे काम अंतिम टप्प्यात आहे. मात्र प्लॅटफॉर्म बांधून दोन महिन्यांचा कालावधी उलटला तरी या प्लॅटफॉर्मवरून लोकल मार्गस्थ केली जात नसल्यामुळे प्रवाशांमध्ये नाराजी होती.
या प्लॅटफॉर्मच्या मार्गात जुन्या रेल्वे मार्गातील ३५० मीटर लांबीच्या रेल्वे रुळाचा अडसर निर्माण झाला होता. हा रुळ बदलल्यानंतरच नव्या प्लॅटफॉर्मचा वापर करता येणार असल्यामुळे आतापर्यंत अनेकवेळा रेल्वे प्रशासनाने या रुळाच्या कामासाठी तारखा निश्चित केल्या होत्या. मात्र या कामाला मुहूर्त मिळत नव्हता. याबाबतचे वृत्त शुक्रवारी ‘मटा’मध्ये प्रसिद्ध झाले होते. अखेर रेल्वे प्रशासनाने ९ एप्रिल रोजी या मार्गावर दिवसभराचा मेगाब्लॉक जाहीर केला. या कालावधीत या रुळाचे काम पूर्ण केले जाणार आहे.
ठाकुर्ली रेल्वे स्टेशनमधील अरुंद प्लॅटफॉर्मची रुंदी वाढवण्यात आली आहे. परंतु रेल्वे रुळाचा अडसर असल्यामुळे या प्लॅटफॉर्मचा वापर करता येत नव्हता. अखेर ३५० मीटर लांबीचा रेल्वे रुळ बदलण्याच्या कामाला मुहूर्त मिळाला. त्यासाठी रविवारी मेगाब्लॉक घेण्यात येणार आहे. सकाळी १० ते संध्याकाळी ६ वाजेपर्यंत हे काम करण्यात येणार आहे. संध्याकाळी साडेसहा वाजता पहिली लोकल कल्याणकडे नव्या प्लॅटफॉर्मवरून धावेल, असे रेल्वे प्रशासनाने जाहीर केले.
कल्याण आणि डोंबिवली दरम्यानच्या ठाकुर्ली स्टेशनवरील प्रवाशांची संख्या दिवसेंदिवस वाढत आहे. या स्टेशनमध्ये असलेला एकमेव प्लॅटफॉर्म कल्याण बाजूच्या दिशेने अतिशय अरुंद असल्यामुळे एकाच वेळी दोन्ही दिशेकडून लोकल आल्यास प्रवाशांची गर्दी होण्याबरोबरच अपघातांची संख्या वाढली होती. यामुळे या प्लॅटफॉर्मची रुंदी वाढवण्याची मागणी केली जात होती. अखेर सिग्नल हाऊसची जागा बदलल्यानंतर रेल्वे प्रशासनाने ठाकुर्ली स्टेशनमधील प्लॅटफॉर्मची रुंदी वाढवण्याबरोबरच मुंबईकडून येणाऱ्या मार्गावर दोन्ही
बाजूंनी प्रवाशांना उतरण्याची व्यवस्था करण्यासाठी नव्याने प्लॅटफॉर्म बांधण्यात आला. मुंबई रेल कॉर्पोरेशनतर्फे हे काम करण्यात आले. या ठिकाणी प्लॅटफॉर्मबरोबरच उड्डाणपूल, नवे तिकीट कार्यालयाचे कामही करण्यात आले. उड्डाणपुलाचे काम अंतिम टप्प्यात आहे. मात्र प्लॅटफॉर्म बांधून दोन महिन्यांचा कालावधी उलटला तरी या प्लॅटफॉर्मवरून लोकल मार्गस्थ केली जात नसल्यामुळे प्रवाशांमध्ये नाराजी होती.
या प्लॅटफॉर्मच्या मार्गात जुन्या रेल्वे मार्गातील ३५० मीटर लांबीच्या रेल्वे रुळाचा अडसर निर्माण झाला होता. हा रुळ बदलल्यानंतरच नव्या प्लॅटफॉर्मचा वापर करता येणार असल्यामुळे आतापर्यंत अनेकवेळा रेल्वे प्रशासनाने या रुळाच्या कामासाठी तारखा निश्चित केल्या होत्या. मात्र या कामाला मुहूर्त मिळत नव्हता. याबाबतचे वृत्त शुक्रवारी ‘मटा’मध्ये प्रसिद्ध झाले होते. अखेर रेल्वे प्रशासनाने ९ एप्रिल रोजी या मार्गावर दिवसभराचा मेगाब्लॉक जाहीर केला. या कालावधीत या रुळाचे काम पूर्ण केले जाणार आहे.