अ‍ॅपशहर

दिव्यांग मुलांना ‘बँके’चा आधार

दिव्यांग विद्यार्थ्यांना परीक्षेच्या काळात लेखनिक, वाचक शोधताना अनेक दिव्य पार करावी लागतात. अनेकवेळा ऐन परीक्षेच्या काळात लेखनिक मिळत नाहीत. त्यामुळे मिळेल त्याला आयत्यावेळी हाताशी धरून दिव्यांग मुले परीक्षेला सामोरे जातात. या परिस्थितीतीमुळे या विद्यार्थ्यांना मानसिक त्रासाला सामोरे जावे लागते. ही बाब लक्षात घेऊन इयत्ता पहिली ते बारावीपर्यंतच्या दिव्यांग विद्यार्थ्यांना परीक्षेसाठी तसेच अध्ययन-अध्यापन प्रक्रिया सुलभ करण्यासाठी लेखनिक-वाचक सेवा देणाऱ्यांची शालेय स्तरावर बँक तयार करण्यात येणार आहे.

Maharashtra Times 23 Jan 2017, 4:00 am
शालेय स्तरावर लेखनिक-वाचकांचे एकत्रीकरण
महाराष्ट्र टाइम्स.कॉम writers bank for disabled students
दिव्यांग मुलांना ‘बँके’चा आधार


पंकज चव्हाण, ठाणे

दिव्यांग विद्यार्थ्यांना परीक्षेच्या काळात लेखनिक, वाचक शोधताना अनेक दिव्य पार करावी लागतात. अनेकवेळा ऐन परीक्षेच्या काळात लेखनिक मिळत नाहीत. त्यामुळे मिळेल त्याला आयत्यावेळी हाताशी धरून दिव्यांग मुले परीक्षेला सामोरे जातात. या परिस्थितीतीमुळे या विद्यार्थ्यांना मानसिक त्रासाला सामोरे जावे लागते. ही बाब लक्षात घेऊन इयत्ता पहिली ते बारावीपर्यंतच्या दिव्यांग विद्यार्थ्यांना परीक्षेसाठी तसेच अध्ययन-अध्यापन प्रक्रिया सुलभ करण्यासाठी लेखनिक-वाचक सेवा देणाऱ्यांची शालेय स्तरावर बँक तयार करण्यात येणार आहे.

आठ जानेवारीला शालेय शिक्षण विभागाने हा निर्णय घेतला असून, ठाणे जिल्ह्यातील अनेक शाळांमध्ये लेखनिक-वाचक बँक तयार होणार आहेत. शालेय शिक्षण घेत असलेल्या विद्यार्थ्यांना या बँकेत सहभागी करून घेतले जाणार असून त्यांच्या मदतीने दिव्यांगांच्या अडचणी दूर केल्या जाणार आहेत. दिव्यांग विद्यार्थ्यांना परीक्षेदरम्यान कोणत्याही प्रकारची लेखनिक-वाचनाबाबत समस्या येऊ नये, यासाठी जिल्हा, तालुका ते शालेयस्तरावर सरकारने हा उपक्रम हाती घेतला आहे.

शालेय स्तरावर राबवण्यात येणाऱ्या या उपक्रमात इच्छुक विद्यार्थ्यांचे नोंदणी अर्ज, संमतीपत्रक भरून घेण्यात येणार आहे. तसेच लेखनिक विद्यार्थांच्या पालकांचेही संमतीपत्र घेण्यात येणार आहे. इच्छुक विद्यार्थी हा शाळेतील किंवा शाळेच्या परिसरातील वास्तव्यास असला पाहिजे, तरच त्याला हे काम करता येणार आहे. मुख्य म्हणजे लेखनिक वाचकाची व विशेष गरजा असणाऱ्या विद्यार्थ्यांची परीक्षा ही एकाच कालावधीत असणार नाही, याबाबत खात्री करण्याची जबाबदारी संबंधित शाळेच्या मुख्याध्यापकांवर असणार आहे. हा उपक्रमामुळे जिल्ह्यात असणाऱ्या दिव्यांग विद्यार्थ्यांना मोठी मदत होणार असून, परीक्षेच्या काळात लेखनिक मिळवण्यासाठी उडणारी तारांबळ कमी होईल, असा विश्वास शिक्षण वर्तुळातून व्यक्त होत आहे.

लिंकवर माहिती मिळवा

लेखनिक व वाचक बँक संदर्भात इच्छुक सदस्यांची नोंदणी व त्यांची माहिती सर्वच स्तरावर संबंधितांना उपलब्ध व्हावी, यासाठी सरकारकडून

https://www.research.net/r/readerwriterbank ही लिंक देण्यात आली आहे. ही लिंक १६ जानेवारीपासून कार्यान्वित झाली आहे.

या विद्यार्थ्यांना लाभ

अंशतः अंध/पूर्ण अंध.

अस्थिव्यंग ( हाताने लेखन करण्यास अक्षम)

बहुविकलांक

स्वमग्न

सेलेब्रल पाल्सी

मतिमंद

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज