म. टा. प्रतिनिधी, ठाणे
येऊरमधील खासगी फार्महाऊसवरील संगीत संध्येला ध्वनी प्रदूषणाच्या मुद्द्यावर ‘येस’कडून विरोध करण्यात आला आहे. कार्यक्रमाचे ठिकाण ‘इको सेन्सेटिव्ह झोन’पासून हाकेच्या अंतरावर आहे. या विरोधात पर्यावरणवादी सामाजिक संघटना या कार्यक्रमाविरोधात आक्रमक झाल्या असून त्यांनी संबंधित यंत्रणांशी पत्रव्यवहार करून याबाबत तक्रार दाखल केली आहे. विशेष म्हणजे, संगीत संध्येनंतर कॉकटेल पार्टी तसेच कार्यक्रमासाठी शुल्कही आकारण्यात येत असून त्यासाठी संबंधित यंत्रणांची परवानगीही घेतली नसल्याचा प्रकार या निमित्ताने समोर आला आहे.
संजय गांधी राष्ट्रीय उद्यानाच्या अंतर्गत येणाऱ्या येऊर परिसरातील पार्ट्या, डीजे नाइट वारंवार वादाच्या भोवऱ्यात सापडतात. संरक्षित वनक्षेत्र असलेल्या या भागात ध्वनीप्रदूषणाबाबत काटेकोर नियमावली आहे. मात्र तरीही येऊर येथील पाटोणपाडा भागातील एका खासगी फार्महाऊसमध्ये रविवारी सायंकाळी ५ ते रात्री १० वाजेपर्यंत सुप्रसिद्ध संगीतकारांच्या जुन्या गीतांचा कार्यक्रम आयोजित करण्यात आला आहे. या कार्यक्रमासाठी जेवणाची मेजवानी आणि कॉकटेल पार्टीसाठी ५०० रुपये शुल्कही आकारले जाणार आहे. मात्र हा परिसर ‘इको सेन्सेटिव्ह झोन’ला खेटून असल्याने ‘येस’ (येऊर एनव्हायार्मेंटल सोसायटी) अंतर्गत येणाऱ्या पर्यावरणीय सामाजिक संस्थांनी राज्य सरकार, वनविभाग, ठाणे पोलिस आयुक्तालय, राज्य उत्पादन शुल्क विभाग आदींकडे याबाबत तक्रार दाखल केली आहे. तसेच हा भाग जिल्हा प्रशासनाच्या हद्दीत येत असल्याचे सांगून वनविभागाने या प्रकरणापासून हात वर केले आहेत.
मात्र या कार्यक्रमाबाबत जिल्हा प्रशासनाच्या तहसिलदारांकडे संपर्क साधला असता त्यांनीही अशाप्रकारे कोणत्याही कार्यक्रमाला परवानगी दिली नसल्याचे ‘मटा’शी बोलताना स्पष्ट केले.
येऊरमधील खासगी फार्महाऊसवरील संगीत संध्येला ध्वनी प्रदूषणाच्या मुद्द्यावर ‘येस’कडून विरोध करण्यात आला आहे. कार्यक्रमाचे ठिकाण ‘इको सेन्सेटिव्ह झोन’पासून हाकेच्या अंतरावर आहे. या विरोधात पर्यावरणवादी सामाजिक संघटना या कार्यक्रमाविरोधात आक्रमक झाल्या असून त्यांनी संबंधित यंत्रणांशी पत्रव्यवहार करून याबाबत तक्रार दाखल केली आहे. विशेष म्हणजे, संगीत संध्येनंतर कॉकटेल पार्टी तसेच कार्यक्रमासाठी शुल्कही आकारण्यात येत असून त्यासाठी संबंधित यंत्रणांची परवानगीही घेतली नसल्याचा प्रकार या निमित्ताने समोर आला आहे.
संजय गांधी राष्ट्रीय उद्यानाच्या अंतर्गत येणाऱ्या येऊर परिसरातील पार्ट्या, डीजे नाइट वारंवार वादाच्या भोवऱ्यात सापडतात. संरक्षित वनक्षेत्र असलेल्या या भागात ध्वनीप्रदूषणाबाबत काटेकोर नियमावली आहे. मात्र तरीही येऊर येथील पाटोणपाडा भागातील एका खासगी फार्महाऊसमध्ये रविवारी सायंकाळी ५ ते रात्री १० वाजेपर्यंत सुप्रसिद्ध संगीतकारांच्या जुन्या गीतांचा कार्यक्रम आयोजित करण्यात आला आहे. या कार्यक्रमासाठी जेवणाची मेजवानी आणि कॉकटेल पार्टीसाठी ५०० रुपये शुल्कही आकारले जाणार आहे. मात्र हा परिसर ‘इको सेन्सेटिव्ह झोन’ला खेटून असल्याने ‘येस’ (येऊर एनव्हायार्मेंटल सोसायटी) अंतर्गत येणाऱ्या पर्यावरणीय सामाजिक संस्थांनी राज्य सरकार, वनविभाग, ठाणे पोलिस आयुक्तालय, राज्य उत्पादन शुल्क विभाग आदींकडे याबाबत तक्रार दाखल केली आहे. तसेच हा भाग जिल्हा प्रशासनाच्या हद्दीत येत असल्याचे सांगून वनविभागाने या प्रकरणापासून हात वर केले आहेत.
मात्र या कार्यक्रमाबाबत जिल्हा प्रशासनाच्या तहसिलदारांकडे संपर्क साधला असता त्यांनीही अशाप्रकारे कोणत्याही कार्यक्रमाला परवानगी दिली नसल्याचे ‘मटा’शी बोलताना स्पष्ट केले.