म. टा. वृत्तसेवा, डोंबिवली
आयएएस बनण्याचे स्वप्न उराशी बाळगून मुंबईत परीक्षेसाठी आलेली तरुणी रेल्वेत चढण्याच्या प्रयत्नात ट्रेनखाली आल्याने तिला तिचा पाय कापावा लागल्याची हृदयद्रावक घटना गुरुवारी कल्याण स्थानकात घडली. तिच्यावर ठाण्यातील खासगी रुग्णालयात उपचार सुरू आहेत.
पुण्याच्या जुन्नर येथील उदापूर गावात राहणारी सायली संजय ढमढेरे या तरुणीने नुकतीच विज्ञान शाखेच्या तिसऱ्या वर्षीची परीक्षा दिली आहे. यूपीएससी परीक्षा देणाऱ्या विद्यार्थ्यांना प्रोत्साहन देण्यासाठी स्टेट इन्स्टिट्यूट फॉर अॅडमिनिस्ट्रेटिव्ह करीअर परीक्षा घेण्यात येते. ही परीक्षा उत्तीर्ण करणाऱ्या विद्यार्थ्यांना सरकारकडून काही सुविधा मिळतात. या परीक्षेसाठी रविवारी सायली पुण्याहून मुंबईला आली होती. तिच्यासोबत तिचा चुलतभाऊही परीक्षा देण्यासाठी आला होता. परीक्षा दिल्यानंतर तो तिच्याआधीच पुण्याला निघून गेला आणि सायली तिच्या मैत्रिणीच्या घरी थांबली. गुरुवारी इंद्रायणी एक्स्प्रेसमधून पुण्याला जाण्यासाठी ती आपल्या मैत्रिणीसह कल्याण स्टेशनवर पोहोचली. सुरू झालेली ट्रेन पकडण्याच्या प्रयत्नात सायलीचा तोल गेला आणि ती ट्रेनखाली पडली. या अपघातात तिला तिचा डावा पाय गमवावा लागला आहे.
आयएएस बनण्याचे स्वप्न उराशी बाळगून मुंबईत परीक्षेसाठी आलेली तरुणी रेल्वेत चढण्याच्या प्रयत्नात ट्रेनखाली आल्याने तिला तिचा पाय कापावा लागल्याची हृदयद्रावक घटना गुरुवारी कल्याण स्थानकात घडली. तिच्यावर ठाण्यातील खासगी रुग्णालयात उपचार सुरू आहेत.
पुण्याच्या जुन्नर येथील उदापूर गावात राहणारी सायली संजय ढमढेरे या तरुणीने नुकतीच विज्ञान शाखेच्या तिसऱ्या वर्षीची परीक्षा दिली आहे. यूपीएससी परीक्षा देणाऱ्या विद्यार्थ्यांना प्रोत्साहन देण्यासाठी स्टेट इन्स्टिट्यूट फॉर अॅडमिनिस्ट्रेटिव्ह करीअर परीक्षा घेण्यात येते. ही परीक्षा उत्तीर्ण करणाऱ्या विद्यार्थ्यांना सरकारकडून काही सुविधा मिळतात. या परीक्षेसाठी रविवारी सायली पुण्याहून मुंबईला आली होती. तिच्यासोबत तिचा चुलतभाऊही परीक्षा देण्यासाठी आला होता. परीक्षा दिल्यानंतर तो तिच्याआधीच पुण्याला निघून गेला आणि सायली तिच्या मैत्रिणीच्या घरी थांबली. गुरुवारी इंद्रायणी एक्स्प्रेसमधून पुण्याला जाण्यासाठी ती आपल्या मैत्रिणीसह कल्याण स्टेशनवर पोहोचली. सुरू झालेली ट्रेन पकडण्याच्या प्रयत्नात सायलीचा तोल गेला आणि ती ट्रेनखाली पडली. या अपघातात तिला तिचा डावा पाय गमवावा लागला आहे.