दोन बायकांच्या नादात कल्याणच्या तरुणाचं धक्कादायक कृत्य, तपास करताच पोलीसही हादरले

कल्याण : कल्याण पूर्व कोळसेवाडी पोलीस ठाण्याच्या हद्दीतील चेरोबा चौक सत्कार टॉवरजवळ राहणारा संदीप गायकवाड यांनी स्वतःच अपहरणाचा बनाव रचला. या दोन बायकोच्या पतीने आपल्या दुसर्‍या बायकोच्या आईला म्हणजेच सासूला या गुन्ह्यात अडकवले आणि सोडून गेलेल्या दुसऱ्या पत्नीला परत येण्याच्या उद्देशाने रचलेल्या बनावात स्वतःच फासला.

जावेद नशीब खान उर्फ केनु लोबो, आकाश राजेंद्र अभंग व अवी पाटील या मित्रांच्या मदतीने अपर्णाचा प्लॅन करून, पाच दिवस स्वतःहून मुक्काम शेरे तालुका शहापूर येथे बसला होता. कोळसेवाडी पोलीस ठाण्याचे वरिष्ठ पोलीस निरीक्षक महेंद्र देशमुख यांच्या मार्गदर्शनाखाली डीपीचे सहाय्यक पोलीस निरीक्षक हरिदास बोचरे , सहाय्यक पोलीस निरीक्षक पगारे, यांच्या टीमने स्मार्ट सिटी कॅमेऱ्यांचे फुटेज तपासून अखेर हा अपहरणाचा बनाव उघड केला.

सावधान! पुढच्या ३-४ आठवड्यात भारतावर मोठं संकट, तज्ज्ञांनी दिलेल्या इशाऱ्यामुळे चिंता वाढली
बुरका घालून संदीप गायकवाड यांनी स्वतःहून दुचाकी आणि रिक्षात बसून आपलं अपहरण केल्याचं पितळ उघड झालं. अखेर कोळसेवाडी पोलिसांनी खोट्या अपहरणाचा गुन्हा उघडकीस आणला. या घटनेचा उलगडा झाल्यानंतर आरोपीला पोलिसांनी ताब्यात घेतलं असून पुढील तपास सुरू असल्याची माहिती आहे.