ईशान बलबलेची तरुणाला बेदम मारहाण
म. टा. विशेष प्रतिनिधी, ठाणे
किरकोळ कारणावरून झालेल्या भांडणानंतर शिवसेना युवा सेनेच्या ईशान बलबले या पदाधिकाऱ्याने त्याच्या कार्यकर्त्यांसह तरुणाला बेदम मारहाण केल्याची घटना हिरानंदानी मेडोज या उच्चभ्रूंच्या परिसरात घडली आहे. जखमी तरुणावर ठाण्याच्या ज्युपिटर रुग्णालयात उपचार सुरू असून हल्लेखोरांच्या विरोधात चितळसर पोलिस ठाण्यात गुन्हा दाखल करण्यात आला आहे. आरोपींपैकी एकालाही रात्री उशिरापर्यंत अटक करण्यात आली नव्हती.
ईशान बलबले हा ठाण्यातील रेन्बो इंटरनॅशनल या शाळेचा व्यवस्थापक आहे. त्याची आई अकिला बलबले यांनी पाच वर्षांपूर्वी राष्ट्रवादी काँग्रेसच्या तिकिटावर पालिकेची निवडणूक लढवली होती. त्यात त्यांचा पराभव पत्करावा लागला होता. त्यानंतर बलबले कुटुंब शिवसेनेच्या आश्रयाला आले असून अवघ्या २१ वर्षांच्या ईशानला युवा सेनेचा उपनिरीक्षक हे पद देण्यात आले होते. रविवारी रात्री हिरानंदानी मेडोज येथील एका ठिकाणी प्रतीक भंडारे आणि त्याचे काही मित्र जेवणासाठी गेले होते. भंडारे याचा मित्र रोनीत हात धुण्यासाठी जात असताना ईशान बलबले याला चुकून धक्का लागला. त्यावेळी ईशानने शिविगाळ करत रोनीतला माफी मागण्यास सांगितले. त्या गोंधळात भंडारे याला दुसऱ्या एका मित्राचा फोन आल्यामुळे तो बोलण्यासाठी हॉटेलबाहेर गेला. त्यापाठोपाठ बाहेर आलेल्या ईशानने भंडारी याला शिविगाळ सुरू केली. ईशानने लोखंडी काठी भंडारे याच्या डोक्यात मारली. तर, ईशानचे मित्र जुबेर आणि अन्य १० ते १२ जणांनी भंडारी याला बेदम मारहाण केली. त्यानंतर हे टोळके पसार झाले.
गंभीर जखमी झालेल्या भंडारी याला उपचारांसाठी ठाण्याच्या ज्युपिटर रुग्णालयामध्ये दाखल करण्यात आले असून त्याची प्रकृती स्थिर असल्याचे डॉक्टरांनी सांगितले. ईशान बलबले, जुबेर आणि जमावाच्या विरोधात पोलिसांनी गुन्हा दाखल केला असला तरी अद्याप कुणालाही अटक करण्यात आलेली नाही. या मारहाणीमुळे युवा सेनेचा धुडगूस चव्हाट्यावर येत असताना सेनेच्या ठाण्यातील काही पदाधिकाऱ्यांनी जखमी भंडारे याची रुग्णालयात भेट घेतली. या प्रकारानंतर ईशान बलबले याची युवा सेनेतून हकालपट्टी होण्याची दाट शक्यता व्यक्त केली जात आहे.
........
गुन्ह्याच्या कलमांवरून वाद
दोन आठवड्यांपूर्वी सावरकर नगर येथे तरुणांच्या घोळक्याने केलेल्या मारहाणीत एकाला आपला जीव गमवावा लागला होता. रविवारी रात्री भंडारे याला झालेली मारहाणही गंभीर स्वरूपाचीच होती. भंडारे यांचा डाव्या हाताचे हाड मोडले असून डोक्यावरही जबर मार लागला आहे. त्यानंतरही पोलिसांनी हत्येचा प्रयत्न (३०७) या कलमान्वये गुन्हा दाखल न करता ३२४, ३२३, ५०४ या किरकोळ स्वरुपांची कलमे का लावली आहेत, असा प्रश्न भंडारे यांच्या मित्रमंडळींकडून विचारला जात आहे.
.........
गुंडांच्या गराड्यात ईशान
ग्लॅडी अल्वारीस रोड परिसरात गेल्या आठवड्यात ईशानच्या वाढदिवसाचे भलेमोठे होर्डिंग झळकत होते. युवा नेता अशी ओळख प्रस्थापित करण्याच्या प्रयत्नात असलेल्या ईशानभोवती कायम राबोडी आणि हाजूरी परिसरातील गुंड प्रवृत्तीच्या तरुणांचा घोळका असतो. ईशान आणि त्याचे वडील राजू बलबले यांनी चितळसर पोलिस ठाण्यात काही दिवसांपूर्वी अर्थकारणाची तयारी दाखवत पोलिस बॉडिगार्डचे संरक्षण मिळविण्याचा प्रयत्न केला होता. त्यात त्यांना यश आले नाही. मात्र, ईशानसोबत कायम एक बाऊन्सर फिरत असतो.
........
म. टा. विशेष प्रतिनिधी, ठाणे
किरकोळ कारणावरून झालेल्या भांडणानंतर शिवसेना युवा सेनेच्या ईशान बलबले या पदाधिकाऱ्याने त्याच्या कार्यकर्त्यांसह तरुणाला बेदम मारहाण केल्याची घटना हिरानंदानी मेडोज या उच्चभ्रूंच्या परिसरात घडली आहे. जखमी तरुणावर ठाण्याच्या ज्युपिटर रुग्णालयात उपचार सुरू असून हल्लेखोरांच्या विरोधात चितळसर पोलिस ठाण्यात गुन्हा दाखल करण्यात आला आहे. आरोपींपैकी एकालाही रात्री उशिरापर्यंत अटक करण्यात आली नव्हती.
ईशान बलबले हा ठाण्यातील रेन्बो इंटरनॅशनल या शाळेचा व्यवस्थापक आहे. त्याची आई अकिला बलबले यांनी पाच वर्षांपूर्वी राष्ट्रवादी काँग्रेसच्या तिकिटावर पालिकेची निवडणूक लढवली होती. त्यात त्यांचा पराभव पत्करावा लागला होता. त्यानंतर बलबले कुटुंब शिवसेनेच्या आश्रयाला आले असून अवघ्या २१ वर्षांच्या ईशानला युवा सेनेचा उपनिरीक्षक हे पद देण्यात आले होते. रविवारी रात्री हिरानंदानी मेडोज येथील एका ठिकाणी प्रतीक भंडारे आणि त्याचे काही मित्र जेवणासाठी गेले होते. भंडारे याचा मित्र रोनीत हात धुण्यासाठी जात असताना ईशान बलबले याला चुकून धक्का लागला. त्यावेळी ईशानने शिविगाळ करत रोनीतला माफी मागण्यास सांगितले. त्या गोंधळात भंडारे याला दुसऱ्या एका मित्राचा फोन आल्यामुळे तो बोलण्यासाठी हॉटेलबाहेर गेला. त्यापाठोपाठ बाहेर आलेल्या ईशानने भंडारी याला शिविगाळ सुरू केली. ईशानने लोखंडी काठी भंडारे याच्या डोक्यात मारली. तर, ईशानचे मित्र जुबेर आणि अन्य १० ते १२ जणांनी भंडारी याला बेदम मारहाण केली. त्यानंतर हे टोळके पसार झाले.
गंभीर जखमी झालेल्या भंडारी याला उपचारांसाठी ठाण्याच्या ज्युपिटर रुग्णालयामध्ये दाखल करण्यात आले असून त्याची प्रकृती स्थिर असल्याचे डॉक्टरांनी सांगितले. ईशान बलबले, जुबेर आणि जमावाच्या विरोधात पोलिसांनी गुन्हा दाखल केला असला तरी अद्याप कुणालाही अटक करण्यात आलेली नाही. या मारहाणीमुळे युवा सेनेचा धुडगूस चव्हाट्यावर येत असताना सेनेच्या ठाण्यातील काही पदाधिकाऱ्यांनी जखमी भंडारे याची रुग्णालयात भेट घेतली. या प्रकारानंतर ईशान बलबले याची युवा सेनेतून हकालपट्टी होण्याची दाट शक्यता व्यक्त केली जात आहे.
........
गुन्ह्याच्या कलमांवरून वाद
दोन आठवड्यांपूर्वी सावरकर नगर येथे तरुणांच्या घोळक्याने केलेल्या मारहाणीत एकाला आपला जीव गमवावा लागला होता. रविवारी रात्री भंडारे याला झालेली मारहाणही गंभीर स्वरूपाचीच होती. भंडारे यांचा डाव्या हाताचे हाड मोडले असून डोक्यावरही जबर मार लागला आहे. त्यानंतरही पोलिसांनी हत्येचा प्रयत्न (३०७) या कलमान्वये गुन्हा दाखल न करता ३२४, ३२३, ५०४ या किरकोळ स्वरुपांची कलमे का लावली आहेत, असा प्रश्न भंडारे यांच्या मित्रमंडळींकडून विचारला जात आहे.
.........
गुंडांच्या गराड्यात ईशान
ग्लॅडी अल्वारीस रोड परिसरात गेल्या आठवड्यात ईशानच्या वाढदिवसाचे भलेमोठे होर्डिंग झळकत होते. युवा नेता अशी ओळख प्रस्थापित करण्याच्या प्रयत्नात असलेल्या ईशानभोवती कायम राबोडी आणि हाजूरी परिसरातील गुंड प्रवृत्तीच्या तरुणांचा घोळका असतो. ईशान आणि त्याचे वडील राजू बलबले यांनी चितळसर पोलिस ठाण्यात काही दिवसांपूर्वी अर्थकारणाची तयारी दाखवत पोलिस बॉडिगार्डचे संरक्षण मिळविण्याचा प्रयत्न केला होता. त्यात त्यांना यश आले नाही. मात्र, ईशानसोबत कायम एक बाऊन्सर फिरत असतो.
........