घरचे बॉयफ्रेंडवरून ओरडले म्हणून प्यायली फिनाइल, रुग्णालयात गेल्यावर असं काही कळलं की...

वर्धा : प्रियकराला भेटायला का गेली होती? असे कुटुंबीय म्हणताच युवतीने घरीच फिनाईल प्राशन केलं. पण या घटनेनंतर एक वेगळंच सत्य समोर आलं. त्यामुळे कुटुंबियांना मोठा धक्का बसला आहे. मुलीने फिनाइल प्राशन केल्यानंतर कुटुंबियांनी तिला रुग्णालयात दाखल केले. मुलीवर उपचार सुरू झाले आणि यात डॉक्टरांनी सोनोग्राफी करताच तपासणी युवती चार महिन्याची गर्भवती असल्याची धक्कादायक माहिती समोर आली.

अखेर पीडितेने याबाबतची तक्रार आर्वी पोलिसात दिली. पोलिसांनी आरोपी विरुद्ध विविध कलमान्वये गुन्हा दाखल केला आहे. आर्वी पोलीस स्टेशन अंतर्गत येणाऱ्या एका गावात १८ वर्षीय मुलीचे तिच्या मामीच्याच मानलेल्या भावासोबत प्रेमसंबंध जुळले. यातूनच जानेवारी २०२२ मध्ये पीडिता आर्वी तालुक्यातील एका गावात प्रियकराला भेटायला गेली. तेथे आरोपी युवकाने पीडितेशी जवळीक निर्माण करुन तिच्याशी शारीरिक संबंध स्थापित केले त्यानंतरही अनेकदा दोघांनीही शारीरिक संबंध प्रस्थापित केले.

MSRTC News: एसटी महामंडळाने घेतला मोठा निर्णय; चालक आणि वाहकांना दिल्या कडक सूचना

युवकाला भेटून आल्यानंतर कुटुंबियांनी मारहाण करत जाब विचारला असता युवतीने फिनाइल पित आत्महत्येचा प्रयत्न केला. पण तिला तातडीने रुग्णालयात दाखल करण्यात आलं. डॉक्टरांनी उपचारदरम्यान तिच्या विविध तपासण्या केल्या. दरम्यान, युवतीची सोनोग्राफी करताच तपासणी पीडिता ही चार महिन्याची गर्भवती असल्याचे सांगितल्याने कुटुंबियांच्या पायाखालची वाळूच सरकली. याबाबत आर्वी पोलीस ठाणे गाठून आरोपी युवकाविरुद्ध कलम ३७६ (२) भादवी सहकलम ४, बालकांचे लैगीक अपराधापासून संरक्षण अधिनियम अंतर्गत गुन्हा दाखल करण्यात आला आहे.