वर्धा : दोन सख्ख्या अल्पवयीन बहिणींसह आणखी एका चिमुरडीवर लैंगिक अत्याचार केल्याची संतापजनक घटना गिरड पोलीस ठाण्यांतर्गत येणाऱ्या एका गावात उघडकीस आली. तीन अल्पवयीन मुलींच्या लैंगिक शोषणाच्या घटनेने वर्धा जिल्ह्याला हादरा बसला आहे. गिरड पोलिसांनी आरोपी नराधमास अटक केल्याची माहिती आहे. गिरड पोलिसांनी अटक केलेल्या आरोपीचं नाव केशव बावसू वानखेडे (वय वर्षे ५६ रा. माकुना सावळी, ता. चिमूर जि. चंद्रपूर) असं आहे. न्यायालयाने आरोपीला पोलीस कोठडी सुनावली आहे. आरोपी केशव वानखेडे हा लोखंडी पिपे विक्रीचे काम करतो. विविध गावांत जाऊन तो लोखंडी पिपे विकायचा. मागील काही दिवसांपूर्वी तो गिरड पोलीस ठाण्यांतर्गत येणाऱ्या एका गावात गेला होता. गावातील रस्त्याकडेला तो पिपे विकायचा. अशातच त्याच्या नजरेस दोन सहा वर्षाच्या दोन सख्ख्या बहिणी आल्या. त्याने अल्पवयीन मुलींच्या अज्ञानाचा फायदा घेत रस्त्याकडेला असलेल्या एका ओसाड पडीक जागेवर असलेल्या बाथरुममध्ये नेत रात्रीच्या काळोखात दोन्ही सख्ख्या बहिणींचे लैंगिक शोषण केले.
नराधम एवढ्यावरच थांबला नाही तर त्याने आणखी एक सात वर्षीय कळी देखील कुस्करली. आरोपी नराधम केशव वानखेडे याने तीन अल्पवयीन मुलींचे लैंगिक शोषण केल्याच्या घटनेने वर्धा जिल्हा चांगलाच हादरला आहे.
दोन्ही बहिणींनी ही संतापजनक घटना त्यांच्या आई वडिलांना सांगितली असता हा सर्व प्रकार उजेडात आला. पीडित चिमुकल्यांच्या आईवडिलांनी थेट गिरड पोलीस ठाणे गाठून याबाबतची तक्रार दाखल केली. याआधी आरोपीने एका अल्पवयीन चिमुकलीवर बलात्कार केल्याचं देखील पोलिस तपासात कबूल केलं. पोलिसांनी याप्रकरणी आरोपी केशव बावसू वानखेडे याच्याविरुद्ध ३७६ (अ), (ब) तसेच पॉस्कोच्या ४, ६, ८, १० कलमान्वये गुन्हा दाखल करुन अटक केली आहे.
नराधम एवढ्यावरच थांबला नाही तर त्याने आणखी एक सात वर्षीय कळी देखील कुस्करली. आरोपी नराधम केशव वानखेडे याने तीन अल्पवयीन मुलींचे लैंगिक शोषण केल्याच्या घटनेने वर्धा जिल्हा चांगलाच हादरला आहे.
दोन्ही बहिणींनी ही संतापजनक घटना त्यांच्या आई वडिलांना सांगितली असता हा सर्व प्रकार उजेडात आला. पीडित चिमुकल्यांच्या आईवडिलांनी थेट गिरड पोलीस ठाणे गाठून याबाबतची तक्रार दाखल केली. याआधी आरोपीने एका अल्पवयीन चिमुकलीवर बलात्कार केल्याचं देखील पोलिस तपासात कबूल केलं. पोलिसांनी याप्रकरणी आरोपी केशव बावसू वानखेडे याच्याविरुद्ध ३७६ (अ), (ब) तसेच पॉस्कोच्या ४, ६, ८, १० कलमान्वये गुन्हा दाखल करुन अटक केली आहे.