खासगी बस आणि पाण्याच्या टँकरचा भीषण अपघात, ३ जण जागीच ठार तर ८ जखमी

वाशिम : वाशिम शहरालगत असलेल्या अकोला नाका परिसरात हॉटेल खाजगी बस आणि पाण्याच्या टँकरचा भीषण अपघात झाला आहे. या दोन्ही वाहनांमध्ये टक्कर झाल्याने ३ जण जागीच ठार झाले असून ८ जण जखमी झाले असल्याची माहिती आहे.

मिळालेल्या माहितीनुसार, इव्हेंटोजवळ पुण्यावरून यवतमाळकडे जाणाऱ्या खाजगी बस आणि समृध्दी महामार्गावर कामासाठी चालणाऱ्या पाण्याच्या टँकर यांचा सकाळच्या सुमारास अपघात झाला. चालकाचे नियंत्रण सुटल्याने समोरासमोर धडक झाल्याची माहिती समोर येत आहे.

Heatwave Alert! पुढचे ३ दिवस राज्यासाठी धोक्याचे, 'या' जिल्ह्यांमध्ये उष्णतेच्या लाटेचा इशारा
हा अपघात इतका भयंकर होता की टँकरमधील चालक आणि खाजगी बसमधील चालक व क्लिनर जागीच ठार झाले आहेत. तर खाजगी ट्रॅव्हल्समधील ७ जण प्रवाशी जखमी झाले आहेत. टँकरमधील एक जखमी असल्याची माहिती आहे. या ७ ते ८ जखमींना जिल्हा सामान्य रुग्णालय वाशिम इथे पुढील उपचाराकरिता दाखल करण्यात आले आहे. प्राथमिक उपचार करून काही गंभीर जखमींना पुढील उपचारासाठी अकोला येथे हलवण्यात येणार आहे.