यवतमाळ: जिल्ह्यातील पुसद तालुक्यातील करोना सेंटरमध्ये एका रुग्णानं आत्महत्या केली आहे. यामुळं जिल्ह्यात एकच खळबळ उडाली आहे. महागाव तालुक्यातील गुंज येथील रहिवासी बळीराम मोतीराम राठोड (वय ५५) असं मृताचं नाव आहे. बळीराम हे करोना पॉझिटिव्ह असल्यानं त्यांना पुसद येथील एका खासगी दवाखान्यांमध्ये २८ मे रोजी भरती करण्यात आलं होतं. मात्र, खासगी दवाखान्यातील खर्च परवडत नसल्यानं त्यांच्या नातेवाईकांनी बळीराम राठोड यांना ३० मे रोजी पुसद येथील उपजिल्हा रुग्णालयात दाखल केलं होतं. उपचारानंतर त्यांच्या प्रकृतीमध्ये सुधारणा सुद्धा झाली होती. त्यामुळं एक दोन दिवसात त्यांना रुग्णालयातून घरी सोडले जाणार होते. त्याबाबतचे सोपस्कार सुरू असतानाच रात्रीच्या वेळी बळीराम राठोड यांनी प्रसाधनगृहातील खिडकीच्या लोखंडी गजाला स्वत:कडील शेला बांधून गळफास घेऊन आत्महत्या केली.
वाचा: देवतारी त्याला कोण मारी! 6 वर्षाच्या चिमुकल्यावर पडली विद्यूत तार पण...
डॉक्टर नियमित तपासणीसाठी आले असता हा प्रकार उघडकीस आला. घटनेची माहिती पोलिसांना मिळताच घटनास्थळी तात्काळ पोलीस हजर झाले. आत्महत्येचं कारण अद्याप अस्पष्ट आहे. बळीराम मोतीराम राठोड यांच्या पश्चात पत्नी, विवाहित ३ मुले व १ मुलगी असा परिवार आहे. पुसद पोलीस पुढील तपास करीत आहेत.
वाचा: चिंता वाढली; करोनामुक्त होऊनही 'या' लक्षणांनी रुग्ण हैराण
वाचा: देवतारी त्याला कोण मारी! 6 वर्षाच्या चिमुकल्यावर पडली विद्यूत तार पण...
डॉक्टर नियमित तपासणीसाठी आले असता हा प्रकार उघडकीस आला. घटनेची माहिती पोलिसांना मिळताच घटनास्थळी तात्काळ पोलीस हजर झाले. आत्महत्येचं कारण अद्याप अस्पष्ट आहे. बळीराम मोतीराम राठोड यांच्या पश्चात पत्नी, विवाहित ३ मुले व १ मुलगी असा परिवार आहे. पुसद पोलीस पुढील तपास करीत आहेत.
वाचा: चिंता वाढली; करोनामुक्त होऊनही 'या' लक्षणांनी रुग्ण हैराण