कोथिंबीरीचे खुसखुशीत मुटकुळे

कोथिंबीरीचे खुसखुशीत मुटकुळे

पल्लवी कळमकर, अमेरिका

साहित्य- भाजणीचं पीठ (भाजणीचं पीठ तयार करण्यासाठी १ किलो ज्वारी, अर्धा किलो बाजरी, एक वाटी गहू,तांदूळ प्रत्येकी, विविध प्रकारच्या डाळी, मूग, मटकी, चणे ही कडधान्य), एक मोठी जुडी कोथिंबीर, धणे, तीळ, ओवा, लाल तिखट, हिंग, मीठ, साखर, दही, तेल

कृती- बाजारात भाजणीचं पीठ मिळतं, पण घरी भाजणीचं पीठ करायचं असल्यास साहित्यात सांगितल्याप्रमाणे सर्व धान्य भाजून घ्या. नंतर ते एकत्रित करून त्यात जिरे व धणे टाकून दळून घ्या. भाजणीचं पीठ एका भांड्यात घेऊन त्यात बारीक चिरलेली कोथिंबीर, तीळ, ओवा, हिंग, चवीनुसार मीठ, तिखट, साखर, वाटीभर दही, तीन-चार चमचे तेल घालून मळून घ्या. मळलेल्या पिठाचे मुटकुळे (मुठीया-मुठीत पीठ घेऊन मूठ बंद करून दाब द्या) वळून घ्या. केलेले मुटकुळे तव्यावर तेल टाकून खमंग भाजून घ्या. तयार झालले मुटकुळे टोमॅटो सॉस अथवा पुदिना चटणी बरोबर सर्व्ह करावे.