अक्की रोटी

आशा म्हात्रे, दहिसर

साहित्य- एक वाटी तांदळाचं पीठ, अर्धी वाटी बेसन पीठ, अर्धी वाटी किसलेलं गाजर, अर्धी वाटी किसलेले ओलं खोबरं, अर्धी वाटी कोथिंबीर, दोन टेबल स्पून पांढरे तीळ, एक टेबल स्पून लाल तिखट, एक टेबल स्पून मिरची आले पेस्ट, पाव चमचा हळद, चिमूटभर हिंग, दोन टेबल स्पून जिरं, एक टेबल स्पून तूप, मीठ

कृती- एका बाऊलमध्ये एक वाटी तांदळाचं पीठ घ्या. त्यात अर्धी वाटी बेसन पीठ, अर्धी वाटी किसलेलं गाजर, अर्धी वाटी किसलेलं ओल खोबरं, अर्धी वाटी कोथिंबीर, दोन टेबलस्पून पांढरे तीळ, एक टेबल स्पून लाल तिखट, एक टेबलस्पून मिरची-आलं पेस्ट, पाव चमचा हळद, दोन टेबल स्पून जिरं, चिमूटभर हिंग, चवीनुसार मीठ एकत्र कालवून घ्या. दुसऱ्या एका भांड्यात एक वाटी पाणी तापत ठेवा. त्यात चवीपुरतं जरासं मीठ आणि एक चमचा तेल घाला. पाणी उकळल्यावर बंद करा आणि ते कोमट झाल्यावर वरील मिश्रणात आवश्यकतेनुसार ते कोमट पाणी टाकून चांगलं पीठ मळून घ्या. पोळपाटावर मध्यम आकाराची अक्की रोटी लाटून घ्या आणि नॉनस्टिक तव्यावर तुपावर खरपूस भाजून घ्या. अक्की रोटीचा दही किंवा लसूण चटणीबरोबर आस्वाद घ्या.

टीप- आवडीनुसार यात तुम्ही बारीक करुन कांदा घालू शकता.