अमृतसर स्टाइल लस्सी

दिप्ती पडियार, बदलापूर

साहित्य- २५० ग्रॅम दही, पिठीसाखर, वेलचीपूड, केवडा वॉटर किंवा केवडा इसेन्स, मलाई, सुका मेवा.

कृती- प्रथम दही घेऊन त्यात आवडीप्रमाणे पिठीसाखर घाला. दही जर घरी लावलेलं असेल तर त्यावरची मलाई काढून ठेवा. नंतर त्यात वेलचीपूड, केवडा वॉटर किंवा दोन ते तीन थेंब केवडा इसेन्स घाला. यात पाणी अजिबात घालू नये. बिटरनं किंवा व्हिसकरनं हे मिश्रण पाच ते सात मिनिटं छान घोटून घ्या. ते झालं की, एका स्टीलच्या ग्लासमध्ये ओतून घ्या. नंतर त्यात बर्फाचे तुकडे, मलाई, वरून वेलचीपूड आणि आवडत असल्यास सुका मेवा घालून थंडगार सर्व्ह करा.