बीट-सफरचंद हलवा

प्रमिला बगळे, उल्हासनगर

साहित्य- एक बीट, दोन सफरचंद, २०० ग्रॅम खवा, एका वाटी किसलेला गूळ, अर्धा चमचा वेलची पावडर, दोन चमचे मगज बी, एक मोठा चमचा तूप, सजावटीसाठी पिस्ता

कृती- प्रथम बीट उकडून घ्या. नंतर गार झाल्यावर बीट आणि सफरचंदही किसून घ्यावं. दुसरीकडे कढईत तूप टाकून त्याच्यात बीटाचा कीस परतवून घ्या. त्यानंतर त्यात गूळ टाकून परत परतवून घ्या. गूळ टाकल्यावर मिश्रणाला थोडं पाणी सुटतं. हे मिश्रण थोडा वेळ चांगलं परतवून घ्या. नंतर त्यात सफरचंदाचा कीस टाकून पुन्हा एकदा परतवा. शेवटी खावा, वेलची पावडर, मगज बी टाकून तूप सुटेपर्यंत परता. अशा प्रकारे बीट सफरचंद हलवा तय्यार.